ПЕНДИКОВ НЕ СЕ ПОЈАВИ ВО СУДОТ, РОЧИШТЕТО СЕ ОДЛОЖИ: Тој се уште е во Бугарија

Добивај вести на Viber

Денешното рочиштето за случајот Пендиков, односно судењето за напад од омраза се одложи. Христијан Пендиков не се појави во судот, бидејќи се уште е во Бугарија.

Минатата недела обвинителството ја побара новата адреса на Пендиков во Бугарија за да го повика на распит, а како што објави Фактор, Охридското обвинителство повеќе пати се обидвало да стапи во контакт со секретарот на бугарскиот клуб „Цар Борис Трети“.

-Поради тоа, ќе бара од Бугарија информација за сегашната адреса на живеење на Пендиков, објави бугарската НоваТВ, објави Фактор минатата недела.

Неговата одбрана тврди дека немала увид во сите доказни материјали со кои располага обвинителот, заради што следното рочиште е закажано за 5. април. Дотогаш, одбраната на Пендиков бара дозвола да ги разгледа сите аудио и видео материјали поврзани со случајот.

Инаку, Основното јавно обвинителство – Охрид за нападот врз Пендиков поднесе обвинение против две лица. Едниот обвинет досега се бранеше со молчење и како што информираа претходно од Обвинителството, тој се товари за кривичното дело по увид во надзорните камери и изјави на сведоци. Вториот обвинет, пак, кој беше во бегство, беше приведен минатата недела во Битола.