Пендаровски сепак нема да оди во Москва на прославата на 9 мај
Објавено во: Македонија 04 Мај, 2020 12:53
Шефот на државата Стево Пендаровски нема да учествува на прославата на 75-годишнината од победата во Втората светска војна на 9 мај во Москва, затоа што претседателот деновиве добил известување дека настанот е откажан поради епидемијата, потврдуваат од неговиот Кабинет за „Фактор“.
Минатата година Пендаровски доби покана од рускиот претседател Владимир Путин за негово присуство на големиот настан, а македонскиот претседател потврди дека ќе присуствува на истиот.
„Еден од главните принципи на нашата држава е борбата против фашизмот. Значи, секако ќе бидам таму“, изјави пред повеќе од половина година Пендаровски, кој беше поканет заедно со политичките лидери на Индија, Куба, Франција, Чешка, Венецуела, Белорусија. Ерманија, Бугарија и Србија кои исто така до тогаш го потврдија нивното учество на прославата. Покана беше испратена и до американскиот претседател Доналд Трамп.
За Денот на победата над фашизмот рускиот претседател Владимир Путин најави дека ќе се одржи само воздушна парада на авиони и хеликоптери во Москва на 9-ти мај.
Комеморацијата на 75-годишнината од победата во Втората светска војна, со голема парада и марш ќе се одржи кога ќе помине епидемијата на коронавирус, додека официјалната програма е одложена поради ризикот од нејзино ширење.
Во 2020 година, светот ја одбележува 75-годишнината од победата над фашизмот и неговата капитулација.
А.К.Можеби ќе ве интересира
СПАСОВСКИ: Македонија не смее да стане земја што ќе спроведува азилски постапки за други држави, а притоа да ѝ остануваат мигранти што нема каде да ги врати
„ДЕЛОВНА ТАЈНА Е ДЕКА НЕ' ТРУЈАТ“: Арсовска тврди дека загадувачите добиле право да ги кријат доказите под мотото „деловна тајна“
УАПСЕН ЕКС ДРЖАВНИОТ ПРАВОБРАНИТЕЛ ФЕХМИ СТАФА: Осомничен е за поткуп од десетици илјади евра
Најголемиот шлепер во Македонија го вози жена и тоа токму оваа: „Најтешко е да си далеку од дома и од блиските“ - Цеце Мирчевска за „Женски магазин“
НЕ Е ЛЕСНО ДА СЕ РАБОТИ ДАЛЕКУ ОД ДОМА: Познатиот готвач Настески со потресно сведоштво „Поголема болка од ова нема!“
„ОВК НЕ БЕШЕ КРИМИНАЛНА ОРГАНИЗАЦИЈА, СЕ БОРЕШЕ ЗА ЕДНАКВОСТ НА АЛБАНЦИТЕ“: Протест за поддршка на осудените водачи на УЧК
ДЕТАЛИ ЗА ПАДНАТИОТ АВИОН ВО МАВРОВСКО ЕЗЕРО: Техничките податоци откриваат дека станува збор за вистински авијациски „олдтајмер“
