24 Октомври, 2020
0.0258

Пендаровски: Ќе се скенираат операторите кои набавуваат чувствителни технологии

Објавено во: Македонија 23 Септември, 2020

Македонскиот претседател Стево Пендаровски по првата седница на Советот за безбедност по формирањето на новата Влада, рече дека на втората точка од дневниот ред било заклучено дека ќе се проверат сите оператори кои набавуваат чувствителна  технолошка опрема за државата, согласно НАТО-обврските. Ќе се провери нивната сопственост и дали нивните вредности се на иста фреквенција со вредностите на Алијансата, каде што Македонија членува официјално од март.

- Под втората точка зборувавме за безбедносните импликации со воведувањето на 5Г-мрежата кај нас. Сега како членка на НАТО сме обврзани да ги следиме стриктно сите безбедносни протоколи на Алијансата и тоа како во однос на безбедносниот бекграунд на лицата кои работат на чувствителни места во државниот апарат, така и во однос на воведувањето на дигитални технологии и корпорациите како нивни носители, кои имаат цели и вредности кои се некомпатибилни со целите и вредносните на западната алијанса. Беше заклучено дека Владата и другите надлежни институции во овој домен треба достојно да ги почитуваат правилата на организацијата, каде сме веќе членка со сите права, обврски и одговорности, рече шефот на државата.

Пендаровски рече дека Министерството за надворешни работи ќе подготвува меморандум за разбирање, слично како обврските кои ги имале другите НАТО-членки од регионот, во кој ќе се наведе сопственичката структура на компаниите и колку нивната работа е компатибилна со целите и вредностите на НАТО.

- Нашиот Телеком пред неколку месеци беше во фаза на подготовка на оператор-провајдер на тој тип на услуги, но јасно е дека сите оператори во оваа сфера треба да водат сметка што се наши национални интереси и државни обврски. Ние од март наваму имаме посебен статус, каде што е вклучена и набавката на чувствителни технологии кои ќе ги користиме, додаде Пендаровски.

Тој додаде дека за тоа ќе треба да се променат, како што вели, цела серија на закон, и додаде дека тие кои нема да ги исполнат НАТО-критериумите, нема да може да учествуваат во јавните набавки.

- Ќе има принципи за тоа кој може и кој не може да набавува одредена технологија во нашата држава, рече Пендаровски.

Можеби ќе ве интересира

Каракачанов продолжува: Војниците да бидат пречекани со цвеќе, леб, сол и духовна музика

Каракачанов продолжува: Војниците да бидат пречекани со цвеќе, леб, сол и духовна музика

Почина Амди Бајрам поради проблеми со срцето

Почина Амди Бајрам поради проблеми со срцето

Постапка и пријава против дежурниот полицаец, откако мажот со секира ја уби сопругата во Гостивар

Постапка и пријава против дежурниот полицаец, откако мажот со секира ја уби сопругата во Гостивар

ВМРО-НП по посетата на лидерот Георгиевски во Бугарија: Да се интензивира темпото за да не дојде до вето

ВМРО-НП по посетата на лидерот Георгиевски во Бугарија: Да се интензивира темпото за да не дојде до вето

Вечерва поместете го времето на часовникот, започнува зимското сметање

Вечерва поместете го времето на часовникот, започнува зимското сметање

Полицијата казни 218 возачи во скопската населба Драчево

Полицијата казни 218 возачи во скопската населба Драчево

Почина пејачот Васил Ангов од компликации од коронавирусот

Почина пејачот Васил Ангов од компликации од коронавирусот

ВМРО-ДПМНЕ пронајде нов пејач

ВМРО-ДПМНЕ пронајде нов пејач

Ацевски за работењето на Лидија Димова: Државна ревизија не може да има на европските пари

Ацевски за работењето на Лидија Димова: Државна ревизија не може да има на европските пари