Пендаровски: Денеска во 11.30 часот по американско време официјално во НАТО
Објавено во: Македонија 27 Март, 2020
Стево Пендаровски, претседателот на Македонија, преку видео-обраќање информираше дека денеска во 13.00 часот по локално време нашата земја ќе стане официјално 30-та членка на НАТО.
- Официјалниот прием ќе биде денеска во 11.30 часот по американско време во Вашингтон, во главниот град на САД. Иако поради тешкиот период поради кој поминуваме, не можеме да се израдуваме и да ги одбележиме овие настани како што доликува, сепак станува збор за успеси кои речиси по три децении независност ја потврдуваат македонската безбедност и ја гарантираат нашата иднина, рече Пендаровски.
Шефот на државата информираше и дека испратил писма до лидерите на земјите-членки на ЕУ во знак на благодарност за доделениот почеток на преговори со Македонија во вторникот.
- Европската комисија ќе пристапи кон дефинирање на преговарачката рамка , а првата меѓувладина конференција ќе се случи во најскоро време, убеден е Пендаровски.