Пендаровски бара да не се брза со Законот за игри на среќа
Објавено во: Македонија 29 Март, 2023
Претседателот Стево Пендаровски побара на законските измени за игрите на среќа да не се брза со процедурата со европско знаменце. Шефот на државата бара претходно да се поведе сеопфатна и стручна дебата со цел да се дојде до балансирано решение во интерес и на вработените и на граѓаните.
– Имам барање за средба од луѓе од Здружението за игри на среќа и тоа ќе го сторам. Јас не сум експерт за таа област и е потребна стручна дебата. Затоа апелирам, тој предлог-закон да не оди со европско знаменце туку да се соочат сите аргументи низ стручна дебата и да се дојде до вистинско и балансирано решение бидејќи имаме доста голем број на вработени во таа индустрија, но секако дека треба да се има предвид и интересот на граѓаните. И да нагласам, таквата дебата не треба да трае само три дена – искоментира Пендаровски.
Ваквиот коментар на Пендаровски следуваше по средбата со австрискиот претседател Александар Ван дер Белен, кој исто така беше запрашан од медиумите како ги коментира законските измени, ако се знае дека инвестиции во овој бизнис има и од Австрика.
Можеби ќе ве интересира
Декан Горан Марковски: Феномени како во Делчево ќе има се почесто
Мицкоски и Пандов открија биста на Драган Богдановски до седиштето на ВМРО-ДПМНЕ
Државен испитен центар: Матурантите препишувале откако ги добиле тестовите по англиски јазик
Сашко Јовев би сакал да биде министер за здравство
Автопатот пред влезот на Охрид ќе биде затворен во наредните 45 дена
