29 Мај, 2024
0.0325

Пеце Суперхикс: Син ми е ишамаран и исклоцан од четворица деликвенти, полицијата ги знае ама ништо не им може

Објавено во: Македонија 28 Март, 2023

Добивај вести на Viber

Нашиот познат музичар, Петар Младеновски, познат на јавноста како Пеце Суперхикс се огласи на социјалната мрежа „Фејсбук“, каде обелодени дека неговиот син бил истепан од група на малолетници, во неделата вечерта околу 21 часот.

Тој нагласува дека станува збор за малолетници кои им биле познати на полицијата, но и покрај бројните поплаки против нив, според неговите пишувања не може да се преземат мерки со кои тие ќе престанат со нивните „деликвентни постапки“. 

Два дена се мислам дали да реагирам ама очигледно ова не смее да се премолчи. Во неделата вечерта, некаде околу 21 часот, мојот малолетен син е нападнат играјќи сам кошарка на кошот во Парк Капиштец од страна на 4 малолетни лица на возраст од 12 до 16 години. Прописно е исшамаран и исклоцан без никаква причина (оние кои не знаат од соседстото знаат многу добро колку мирно и повлечено дете е мојот син) а се обиделе и да му го украдат баскетот. Добивме повик од него дека е нападнат и веднаш се упатив кон местото на случката но таму јас не успеав да ги затекнам. Трчајќи во правец на катната гаража кај Беверли Хилс истите беа препознаени од син ми и успеав некако да фатам и задржам еден од нив по што мирно и спокојно дојдоа и останатите по што повикавме полиција. Немаа никаков проблем да останат и да не избегаат(хм...) - пишува тој. 

Пеце потенцира дека иако од страна на полициските служби веднаш било излезено на терен, сепак, тоа што следувало најмногу го изненадило. 

- Морам да признаам дека полицијата (станица Беко, 2-ца од интервентна и подоцна 3-ца во униформа) бргу реагираа и се појавија на местото каде бевме. Е тука следува изненадувањето!

Од полицајците добивмо инфо дека ова се веќе познати малолетни деликвенти и сторители на десетици дела..но, дека истите се штитеници од Домот за деца ( од она што подоцна го дознав, деца со девијантно и проблематично однесување) за кој искрен да бидам прв пат слушам иако живеам на неполни 700м од куќата, “25 Мај“ кој се наоѓа на улицата Елисие Поповски во близина на Водњанска и дека истите никако не можат кривично да одговараат за сторените дела ниту да бидат некако приведени.

Имено, истите се дел од некаков, ајде да го наречам “дом-куќа-семејство“ и живеат 6-мина во објектот (од вработените дознавам дека се сите проблематични и дела се вршат катадневно на територијата на Општина Центар и пошироко) и се по мој впечаток буквално ОСТАВЕНИ САМИ НА СЕБЕ и се движат каде сакаат и прават што сакаат. Исто така дознавам дека имаат и официјално назначени старатели ама истите се во Штип, Битола итн итн..и не знам на кој начин и по што се овие лица старатели на овие деца. Едноставно ништо не разбирам и ова е несфатливо - потенцира Младеновски.

Тој дополнува дека очекува неговиот син да има последици од настанот и трауми кои ќе ги влече подолго време. 

- Но ние ќе продолжиме со пријава на делото во полиција и со прибирање на сите извештаи од лекари, психијатри итн (иако е веќе дадена и изјавата ама реакција нема никаква за жал, барем за сега..) и со преземање на сите можни дејствија за расчистување на случајот и некаква реакција овие малолетнички банди кои очигледно оперираат подолго време низ Центар да се стават под некаква контрола бидејќи ова ќе им се случува и на останатите од соседтсвото и нема тука да запре. Едноствано овие деца ама НИКОЈ НЕ ГИ КОНТРОЛИРА. Не знам каков живот ги чека искрено, ама ова не е во ред и е тажно и за нив - потенцира Младеновски.

Тој дополнува дека очекуваат помош и од полицијата и од сите кои се надлежни да постапат по ова. 

- Не се чувствуваме безбедни во сопствената населба и Паркот Капиштец. Ова не е прв инцидент. Се намножија низ годините. Реакцијата е млака или ја нема воопшто. Драги соседи бидете внимателни и чувајте ги вашите деца и себе! - заклучува Младеновски.


Тој во објавата ставил и фотографии од децата кои го нападнале неговиот син. 

Неговата објава предизвика лавина од реакции на социјалната мрежа „Фејсбук“. Меѓу многубројните коментари оставени под неговиот пост има и такви кои укажуваат дека ги препознаваат децата, дека имале проблеми со нив, им кршеле прозорци, врати... 

Фото: Принтскрин/Фејсбук

Можеби ќе ве интересира

Малолетник со мотоцикл усмрти жена во Прилеп

Малолетник со мотоцикл усмрти жена во Прилеп

„Кабинетот ти е СЛУЖБА, ама ТИ одлучуваш“: Ванковска со нови критики кон претседателката - „пофер е да кажеш дека си згрешила“

„Кабинетот ти е СЛУЖБА, ама ТИ одлучуваш“: Ванковска со нови критики кон претседателката - „пофер е да кажеш дека си згрешила“

Даниела Колева: Упаднаа на 27 април за Талат Џафери, а сега го избраа Гаши

Даниела Колева: Упаднаа на 27 април за Талат Џафери, а сега го избраа Гаши

„ПРИКАЗНА КОЈА НИКОГАШ НЕМА ДА ЗАВРШИ“: Шилегов со сопругата во Венеција

„ПРИКАЗНА КОЈА НИКОГАШ НЕМА ДА ЗАВРШИ“: Шилегов со сопругата во Венеција

„ВО ПРАТЕНИЧКИТЕ КЛУПИ Е СЕДНАТ НАЈГОЛЕМИОТ ШЛАЈМ НА ВМРО-ДПМНЕ И ЗНАМ“: Најчевска застана на страната на „Левица“, вели во Собранието изнеле конкретни аргументи

„ВО ПРАТЕНИЧКИТЕ КЛУПИ Е СЕДНАТ НАЈГОЛЕМИОТ ШЛАЈМ НА ВМРО-ДПМНЕ И ЗНАМ“: Најчевска застана на страната на „Левица“, вели во Собранието изнеле конкретни аргументи

СТРАШЕН НАСТАН: Седумгодишно детенце било прегазено од малолетник на мотор во училишен двор

СТРАШЕН НАСТАН: Седумгодишно детенце било прегазено од малолетник на мотор во училишен двор

Блерим Беџети се откажа од градоначалник, за да биде пратеник

Блерим Беџети се откажа од градоначалник, за да биде пратеник

„Очекувам јасна изјава дека името на земјата е Северна Македонија“: Мицотакис повторно со барање до идниот премиер

„Очекувам јасна изјава дека името на земјата е Северна Македонија“: Мицотакис повторно со барање до идниот премиер

И КИЧЕВСКИ РАСПАЛИ ЗА НЕГОВИТЕ: Дечки ај по дома, доста беше!

И КИЧЕВСКИ РАСПАЛИ ЗА НЕГОВИТЕ: Дечки ај по дома, доста беше!