Пчеларите од Штип загрижени за својата егзистенција
Објавено во: Економија 13 Август, 2017
Пчеларите од Штип се загрижени за својата егзистенција поради лошата состојба и бараат од Министерството за земјоделство, шумарство и водостопанство да се прогласи елементарна непогода поради редуцирањето на пчелните семејства.
Претседателот на Здружението на пчелари „Пелар“-Штип, Томе Тонев вели дека барањето е поради тоа што пролетните мразови и сушата предизвикаа редуцирање на пчелните семејства, а исто така драстично е намалено и производството на мед и други производи.
– Не паметиме ваква година кога во кошницата нема доволно мед ниту за самите пчели. Никаде нема мед. Многу ретко е некоја многу јака пчела да има мед за неа. Мора сите пчелари да ги потхрануваат пчелите, да им ставаат храна, ако сакаат да им преживеат, рече Тонев.
Тој додава дека друг проблем е тоа што како резултат од недастотокот од цветови и полен со кој се хранат младите пчели, пчелните семејства се се помалубројни.
– Нема доволно пчели кои треба да останат и да презимат. Тоа е најголемиот проблем. Во текот на зимата имавме и помор на пчелите. Кај мене има угинато 20 пчелни семејства, вели Тонев.
Тој смета дека надлежните служби треба да излезат на терен и да ја согледаат фактичката состојба, односно да утврдат до кој степен се редуцирани пчелните семејства. Од друга страна, недостатокот од мед ја покачи малопродажната цена на 400 денари за килограм, состојба која ја искористија трговците да увезуваат од странство. Во Штип има околу 100 пчелари кои егзистираат од производство на мед.
Можеби ќе ве интересира
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
CGTN-GLOBAL SOUTH VOICES: „Прекумерен капацитет или страв од подемот на Кина?“
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
