Пасош добиле само 17 отсто од тие кои побарале во итна постапка
Објавено во: Македонија 28 Февруари, 2020
Комисијата што одлучува за издавање на пасоши додека нема патни исправи одобрила да се издадат само нешто над 80, додека до нив стасале над 477 барања. Ова значи дека само 17 отсто од барателите успеале да го добијат пасошот. Инаку комисијата одлучува позитивносамо во случај на итност која не може да се помести - како на пример лекување.
Фактор има информации дека во моментов има останати уште околу 3.000 обрасци за пасоши, што значи дека само уште толку може да се издадат.
Инаку вчера министерот за внатрешни работи, Наќе Чулев изјави дека ситуацијата со патните исправи ќе се стабилизира.
„Имаме најави за 7 до 10 дена да пристигне првата пратка со патни исправи и во тој дел состојбата со патните исправи ќе се релаксира“ – вели Чулев.
Се очекува порано од 24 март да пристигне првата пратка со пасоши.Засега се издаваат пасоши само во итни случаи.