ПАРФЕМ СО 2 ГИНИСОВИ РЕКОРДИ ПРОДАДЕН ЗА 1,3 МИЛИОНИ ДОЛАРИ! Шишето е украсено со дијаманти и бисери

Добивај вести на Viber

Шише унисекс парфем наречено „Shamuh baj d Spirit of Dubai“, украсено со 3.571 дијаманти, двапати влезе во Гинисовата книга на рекорди!

Прво, затоа што е најлуксузната амбалажа досега, која ја претставува работата на врвните златари. Втората причина за многумина звучи неверојатно: се користи на посебен начин, користејќи механизам со далечинско управување!

Содржината на шишето се чува во контејнер од три литри, изработен од специјално Мурано стакло, кое стои на посебен држач висок 1,9 метри, а се прска со притискање на копче кое може да се ротира и да се прилагоди на која било висина!

Самиот мирис е создаден од главниот парфимер на групацијата компании „Набил Парфемс“ Ашгар Адам Али, но во него учествуваа и познати мајстори од Италија, Франција и Шпанија. Целиот процес траеше три години, а мирисните ноти што можат да ги користат и мажите и жените се комбинација од килибар, сандалово дрво, мошус, индиско гардеро дрво, турска роза, пачули, иланг-иланг (еден вид тропско дрво) и темјан.  Креаторите на мирисот велат дека тој останува на кожата повеќе од 12 часа.

Парфемот „Шамух“, што на арапски значи „заслужуваат најмногу“, фигуративно ја раскажува приказната за Дубаи низ седум века.

Горниот дел од шишето е украсен со седум фигурини кои ги претставуваат симболите на Емиратите: бисери, соколи, коњи, роза, луксуз, арапско гостопримство и статусот на Дубаи како „град на иднината“.

Парфемот е во сопственост на Рашид Саиф Белхаса (20), син на милијардерот и градежниот магнат Саиф Ахмед Белхаса. Младиот Белхаса го купил кога имал само 17 години, а на социјалните мрежи сака да се фали со своите различни колекции, од патики до автомобили.