Ова се топ три градови со најмногу милијардери
Објавено во: Економија 03 Јули, 2020
Њујорк, Хонг Конг и Сан Франциско се градови со најмногу милијардери.
Прв на листата е Њујорк, кој е единствениот град во светот – дом на повеќе од 100 милијардери. Денес тие се веќе 113, или 8 повеќе од една година претходно.
Зад него е Хонг Конг, каде има 96 милијардери. Таму 9 нови лица се најдоа на ранг-листа на милијардерите или се преселиле во градот.
Третото место е резервирано за Сан Франциско со 77 милијардери, или два повеќе од пред една година. Градот е присутен на рангирањето од 2016 година.
Вкупниот број на милијардери во светот на крајот на 2019 година веќе изнесуваше 2.825 луѓе, што е за 8,5% повеќе од една година претходно, според годишното истражување за најбогатите на планетата направено од „Wealth-X“.
Сите 2.825 топ-богати луѓе денес имаат 9,4 трилиони долари, што е за 10,4 отсто повеќе во однос на лани.