„ОВА Е ЛАГА, ОВА Е САМО ШОУ“: При посетата на Мариупол, Путин „слушна“ и забелешки (ВИДЕО)
Објавено во: Свет 20 Март, 2023
Рускиот претседател Владимир Путин вчера ненадејно го посети окупираниот украински град Мариупол, само неколку дена откако Меѓународниот кривичен суд издаде налог за негово апсење.
На видеото од средбата на Путин со локалните жители, споделено од руските државни медиуми, се слуша како личност во позадина вика: „Ова е лага, ова е само шоу“. Придружбата на Путин брзо реагирала и се обидела да ја пронајде личноста која викала, пишува CNN.
Во истото видео, станарот го опишува блискиот станбен блок како „парче од рајот“, на што Путин одговара дека планираат да го прошират.
In one video showing Vladimir Putin’s visit to occupied Mariupol, a woman can be heard shouting “It’s all lies, it’s all just for show!” After this, Putin’s security detail can be seen desperately looking around, presumably trying to see where the shouting came from… pic.twitter.com/B3OrEINj98
— Will Vernon (@BBCWillVernon) March 20, 2023
„Толку пати те видовме на телевизија“, рекол еден од жителите, на што Путин одговорил: „Треба да почнеме подобро да се запознаваме“.
Мариупол е честа тема во руската пропаганда
Мариупол ги виде некои од најжестоките борби во војната и често се користи за пропагандни цели откако Москва го зазеде минатата година.
Сателитските снимки од мај минатата година покажаа обемни ископувања и расчистување на урнатините низ градот, вклучувајќи го и бомбардираниот театар во Мариупол. Во следните месеци, руските државни медиуми објавија снимки од обновените области, а Путин најави дека ќе го обнови целиот град.
Извештаите за планираните судења кружеа минатиот август, откако руските медиуми објавија слики од кафези во салата на Мариупол, филхармонија, кои очигледно биле наменети за украинските воени затвореници од железарницата Азовстал.
Фото: Принтскрин/Твитер