Организаторот на Балканскиот Давос дел од трибината на Стопанската комора на Македонија
Објавено во: Мои пари 11 Декември, 2018
На 13 декември во Стопанската комора на Македонија ќе се одржи тибина
на тема: „Предизвиците на регионалната економска соработка“ со Александар Влаховиќ.
Според најавите од СКМ на трибината ќе се отвори дискусија за предизвиците на регионалната економска соработка, како неопходен предуслов за иднината на регионот на Западен Балкан како целина, но и за секоја од државните поодделно, за зачетоците на Бизнис форумот на Копаоник, кој прерасна во најзначајниот бизнис настан на Балканот, но и за српските искуства во спроведувањето на процесот на приватизацијата.
Трибинатa ќе стартува во 12:00 часот, во Стопанската комора на Македонија, сала 4 на 5-ти кат.
Александар Влаховиќ ќе биде дел од трибината како претседател на Сојузот на економисти на Србија и идеен творец и организатор на најзначајниот бизнис настан на Балканот - Бизнис форумот на Копаоник (нарекуван уште и Балканскиот Давос).
Бизнис форумот на Копаоник традиционално се одржува во првата недела на месец март. Настанот на едно место обединува повеќе од 1.400 учесници, вклучувајќи истакнати професори, државни претставници, членови на дипломатскиот кор, стопанственици, домашни и странски инвеститори, како и претставници на меѓународните финансиски организации, кои дискутираат за најзначајните економски прашања во Србија, но и во регионот.