ОРБАН ТВРДИ ДЕКА ТОЈ ЈА НАМЕТНА КАЗНАТА ВРЗ УНГАРИЈА: „Бриселскиот меур е полн со негови луѓе, тој ги контролира властите во Европа“

Добивај вести на Viber

Унгарскиот премиер Виктор Орбан изјави за Радио Кошут дека судот на чело со американскиот милијардер Џорџ Сорос ја казни Будимпешта поради непочитување на правилата за прифаќање мигранти.

Судот на ЕУ во Луксембург во четвртокот ја казни Унгарија со 200 милиони евра, како и 1 милион евра дневни плаќања, за одбивање да се усогласи со претходните судски пресуди поврзани со прекршување на правилата за прием на мигранти ширум ЕУ.

- Оваа одлука ја донесе судот на Џорџ Сорос, општо е познато дека бриселскиот меур е полн со луѓе на Сорос. Ова се однесува на Европскиот парламент, Европската комисија и Судот - кажа Орбан.

Според него, Сорос има план секоја година да носи милион мигранти во Европа, доколку е потребно со давање заеми на европските земји за да го финансираат, со цел „да го промени традиционалниот христијански европски изглед на континентот“ и да го претвори во „континент со мешано население“.

Унгарскиот премиер посочи дека Будимпешта нема да ја промени миграциската политика и дека нема да ја плати казната, а доколку Брисел од своја страна одлучи да не и ги враќа на Унгарија веќе одмрзнатите средства од европските фондови, „и тоа ќе биде одговорено“.

"Hungarian Prime Minister Viktor Orban has listed billionaire financier George Soros among the instigators of war in Ukraine...In an interview with Kossuth radio on Friday, Orban said that only peace would curb inflation and save the economy from further shocks." pic.twitter.com/P9EHLMgmeP

— HNK (@IforumKenya) June 11, 2022

Во ноември 2020 и 2021 година, Судот на правдата на Европската унија во своите одлуки посочи дека одредбите на неколку унгарски закони поврзани со приемот на мигранти се спротивни на европското право. Станува збор за измени на низа закони донесени во 2018 година во контекст на миграциската криза. Судот на ЕУ посебно укажа на неусогласеноста со европското право на одредбите за кривично гонење на оние кои им помагаат на мигрантите при поднесување барања за азил.

Во декември 2020 година, Судот на правдата на ЕУ пресуди против Унгарија поради нејзините строги ограничувања за мигрантите. Судот посебно укажа на „ограничувањето на пристапот до меѓународна заштита, незаконското задржување на барателите за таква заштита во транзитните зони, движењето на илегално пристигнати државјани на трети земји во граничните зони без почитување на гаранциите поврзани со постапката за враќање“.

Viktor Orbán said in an interview today on Kossuth Radio's "Good Morning Hungary":

"If the Americans wanted it, peace would come the next morning. Why Americans don't want this is a question that puzzles the entire world. At this point, Ukraine has lost any real sovereignty." pic.twitter.com/y9tnxsYW8u

— Mark Alan Pearce (@PearceAlan1962) July 14, 2023

По миграциската криза во Европа, унгарските власти почнаа да спроведуваат строга политика против мигрантите и бегалците кои ги преминуваат границите на земјата. Поради ова, Будимпешта беше остро критикувана од хуманитарните агенции на ОН и на Европската унија. Во Брисел, унгарските власти се особено критикувани поради одбивањето да ги спроведат одлуките на ЕУ за миграциската политика.

Судот на правдата на ЕУ, исто така, посочи дека сите земји на ЕУ мора да ги почитуваат одлуките на судот и да ги отстранат овие прекршувања, во спротивно може да бидат наметнати финансиски санкции.