„Оперирале лекари од Србија кои немале соодветна лиценца“: Демири ги изнесе своите причини за разрешувањето на директорите
Објавено во: Македонија 12 Јуни, 2024 15:15
По објавата на Државната комисија за спречување корупција, која најави дека ќе бара одговорност од Министерот за здравство, Илир Демири, по разрешувањата на медицинските директори на Клиниката за државна кардиохирургија и на Клиниката за токсикологија денеска се огласи и самиот Демири.
Тој нагласува дека овие разрешувања биле поради пропусти во нивната работа.
- Поранешниот медицински директор на Клиниката за кардиохорургија е разрешен од позицијата медицински директор поради прекршување на законските нормативни, во Македонија оперирале лекари од Србија кои немале соодветна лиценца и ред други прекршоци.Сите податоци со кои располагаме ги пријавивме во Јавното обвинителство за да го истражи овој случај.
Претходниот медицински директор од Клиниката за токсикологија и еден од лекарите беа разрешени поради несовесно работење во целиот изминат период.
Клиниката имала согласности за продолжување на договорите за работа на 18 лица, но не постапил. Неколку месеци овие лица оделе на работа, а не земале плата за својот труд. Ангажираните трпеле закани и омаловажувања на национална основа за што истите доставија писмо со изјави за секојдневните навредувања од страна на директорот и од лекарот. И за овој случај чекаме јавното обвинителство да постапи.
Би сакал да ја информирам Државната комисија за спречување корупција дека обврска на министер е безбедноста на пациентите и безбедноста на сите вработени во јавното здравство - нагласува Демири.
Можеби ќе ве интересира
Застреланиот на Бит Пазар е син на поранешен командант на ОНА
Меџити: Ми се јавија од ДУИ и ми рекоа да се вратам кај нив
ФАКТОР НА ДЕНОТ: Претседателката на ДКСК не дошла на работа
МАЖ ИСТЕПАЛ СОЦИЈАЛЕН РАБОТНИК: Кршел инвентар и фрлал со тврди предмети
ФИЛИПЧЕ ЗА ОБВИНУВАЊАТА НА ВМРО-ДПМНЕ: Немам виза која е поврзана со милиони и авиони
ПО ПУКАЊЕТО НА БИТ ПАЗАР: Почина 31-годишен скопјанец кој се здоби со повреди
ЗА ИСТРАГАТА ЗА TУЃА НЕГА И ИНВАЛИДСКИ ПЕНЗИИ: Дел од осомничените се во ефективен, а дел во куќен притвор
НЕ СМЕЕ ДА ИМА КОНТАКТ СО ПРЕДМЕТИ: Татјана Димитровска не се појавила на работа
