Онлајн промоција: „Девет – роман во илустрирани приказни“ на белградскиот дизајнер Славимир Стојановиќ-Футро
Објавено во: Мои пари 14 Август, 2020
Книгата „Девет ‒ роман во илустрирани приказни“ на еден од најпознатите графички дизајнери во регионот, Славимир Стојановиќ-Футро, ќе има онлајн промоција на 18 август (вторник) во 19 часот на фејсбук-страницата на „Литература.мк“. Делото е преведено на македонски јазик во издание на „Арс Либрис“, дел од „Арс Ламина ‒ публикации“ и веќе може да се најде во сите книжарници „Литература.мк“ или да се нарача онлајн на www.literatura.mk
Книгата со илустрирани раскази е автобиографски и емотивен роман на Славимир, составен од 47 кратки раскази од најраните почетоци на неговата кариера и со вклучени илустрации од дизајнери – пријатели на авторот, која во соседна Србија и регионот стана хит за многу краток период. Онлајн промоцијата и разговорот со Футро ќе ги води уредничката во „Арс Ламина“, Татјана Димовска-Атанасова.
Славимир Стојановиќ-Футро е белградски дизајнер, визуелен уметник, креатор на лајфстајл брендот „Футро“ и автор на серијалот детски сликовници „Авантурите на Синги Лумба“. Неговите проекти во доменот на дизајнот имаат добиено повеќе од 300 меѓународни награди. Добитник е и на наградата за животно дело на Здружението за пазарна комуникација на Србија. Ова е негов прв роман.
Приказната во неговиот роман е фокусирана на Саво Николиќ, познат дизајнер, кој на деветгодишна возраст паѓа на глава и доживува тежок потрес на мозокот со целосно губење на помнењето. Триесет години подоцна сплет од драматични случувања предизвикува помнењето постепено да почне да му се враќа, сè додека не наврши девет години, вторпат.
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
