Олег Маленко: Недозволиво е туристи два и пол часа да патуваат од аеродромот до Охрид
Објавено во: Економија 10 Јуни, 2023 17:22
Олег Маленко, познат стопанственик и сопственик на туристичка агенција од Охрид, реагираше на социјалните мрежи откако власта одлучи 45 дена да го затвори автопатот пред влезот на градот и сообраќајот да го пренасочи преку стариот локален пат.
Според Маленко, оваа одлука веќе му носи ненадоместлива штета на Охрид пред летната туристичка сезона и во својот статус на Фејсбук сподели информација дека туристи од самиот аеродром до градот патувале два и пол часа со автобус.
Ќе почнам од Најновата опструкција или непромислен потез од надлежните институции:
1. Затворање на главната артерија, а тоа е влезот во Охрид! Поточно делницата од Подмоље до Охрид и пренасочување на патот на стариот пат кoj нема капацитет да го реализира напливот на сообраќај во сезоната.
- Автобусите со туристи од аеродром до Охрид вчера патуваа два и пол часа! Авионскиот лет од Амстердам до Охрид трае два часа и триесет минути!
Авионите од Катовице и Варшава пристигаат за два часа!
Автобусите од Аеродром Охрид до Хотелите за 14-15 км пристигаат за два и пол часа!
Што е ова ако не Опструкција и намерно уништување на туризмот!?
2. Од 2014 година се гради Автопатот од Кичево до Охрид, сега сме 2023г. И Баш сега кога треба Секторот туризам да одработи во сезонава се сетија дека треба да ни го затворат патот сред сезона, зш се отепа од работа пролетва и есента!
Ова е за да влезе во учебници како не треба да се гради автопат!
3. Секоја Година се лиферуваат информации како езерото е загадено, имат змии, студена е водата, па има плажи скапо наплаќет, па нема плажи смрдено е скапо било и тн. можам до утре да набројувам“, реагира туристичкиот работник.
Можеби ќе ве интересира
Меѓународниот аеродром Скопје станува апослутен лидер во регионот по раст и по број на нови понудени места
КЛУЧ НА ДРЖАВНАТА КАСА ИЛИ МИЦКОСКИ ПРОГЛАСИ КАПИТУЛАЦИЈА НА ЕКОНОМИЈАТА! Чупеска за затворањето на трезорот на 15 декември
Кинеската економија во 2025 година и предвидувања за 2026 година
Тактики, а не паника, ја создаваат моменталната вредност на криптовалутите
Страв од вештачка интелигенција: Младите луѓе се префрлаат во квалификувани занаети
Кока-Кола добива нов извршен директор: Енрике Браун ќе ја преземе функцијата во март
Индустријата и потрошувачите можат да здивнат: ЕУ се согласи да ја укине забраната за бензин и дизел автомобили до 2035 година
СЕ ЗГОЛЕМУВА ЦЕНАТА НА БЕНЗИНОТ: Оваа земја прв пат по 2019 година ја качува цената на горивото
