ОХРИДСКО СЦЕНАРИО ВО ГРЦИЈА: Заради многу градби во ризик е животната средина
Објавено во: Балкан 13 Јуни, 2024 08:50
Грција треба да ја намали интензивната градба и да ги заштити водните ресурси и крајбрежните области доколку сака да одржи стабилен туризам, објави денеска грчкиот Народен правобранител.
Во својот извештај, народниот правобранител предупреди на зголемените ризици за животната средина и повика на итни реформи во туризмот, бидејќи грчката економија во голема мера се потпира на тој сектор.
Туризмот носи повеќе од четвртина од економскиот приход во Грција, а речиси два милиони Грци живеат од туризмот, се вели во првиот извештај на грчкиот Народен правобранител за туризмот од формирањето на функцијата во Грција пред 25 години.
Околу 33 милиони туристи ја посетиле Грција во 2023 година, што е за пет милиони повеќе отколку во 2022 година.
Приходите од туризмот во Грција се очекува да се зголемат оваа година на 21 милијарда евра во споредба со 20,5 милијарди минатата година, се наведува во извештајот.
Се издвојува примерот на островот Санторини, кој годишно го посетуваат повеќе од 5,5 милиони туристи, што е двојно повеќе од 2012 година. Санторини заработува милијарда евра годишно од туризмот.
Ивор и Фото:МИА
Можеби ќе ве интересира
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
(ВИДЕО) Вучиќ добил порака од Москва - како реагираше Фон дер Лајен?
