Од идеа до реализација - 10 нови потенцијални социјални бизниси влегуваат во фазата на инкубација
Објавено во: Мои пари 09 Јуни, 2017
Желбата за помош, солидарностa, создавањето на подобро утре, придружени со визијата и храброста да се направи првиот чекор се главните карактеристики на финалистите на Наградата за социјално претприемништво- Social Impact Award 2017. Областите околу кои гравитираат идните социјални бизниси на оваа група на млади амбициозни луѓе се: справување со вишоците на храна, остатокот на масло од домаќинствата, остатокот од текстил, старите неискористени електрични апарати, како и грижа за животните, лицата со попреченост, домашните ракотворци, менталното здравје на младите и луѓето воопшто, обновливите извори на енергија и социјално загрозените семејства.
Наградата, всушност е натпревар и целогодишна програма за поддршка на идеите меѓу студентите и младите кои имаат потенцијал да се развијат во социјални бизниси.
Токму затоа, во оваа фаза, десетте млади социјални претприемачи имаат можност да учествуваат на предакселераторски тренинг,поддржан од Македонски Телеком како општествено одговорнаи иновативна компанија. Учесниците на тренингот, кој се оддржува во Телеком Иновативниот центар од 05 до 10 јуни 2017 година, се здобиваат со продлабочени знаења како и проценка на фазата на развој на нивните бизнис идеи.
Во петок, 09.06.2017 година со почеток во 17ч токму во Телеком Иновативниот центар финалистите ќе имаат можност да слушнат презентации на дел од учениците во Social Impact Award 2015 И 2016 година и да разменат искуства. Ве покануваме да дојдете како претставници на медиумите и да ги проследите приказните на овие млади амбициозни социјални претприемачи.
Следниот наш заеднички чекор е доделување на индивидуален ментор на десетте избраните тимови, кои понатаму ќе се натпреваруваат за трите финансиски награди обезбедени од Шпаркасе Банка Македонија и едната нефинансиска награда од Конто Профит. Победниците ќе бидат прогласени на 2 октомври 2017 година во рамки на настанот Social Innovators Conference.
Иако наградите се стимул за младите луѓе, вредноста на оваа програма е многу поголема од тоа. Учествувајќи во Social Impact Award, младите добиваат едукација, пристап до останати интернационални програми, вмрежување со заедницата, како и можност за отпочнување на сопствена кариера и решавање на локални и глобални општествени предизвици.
Наградата за социјално претприемништво - Social Impact Award, којапотретпатсе организира во Македонија, е веќе присутна во 18 земји одсветот, а истата еподдржана од Фондацијата ЕРСТЕ и Импакт Хаб Виена.
Локално, Наградата за социјално претприемништво - Social Impact Award ја спроведува Асоцијацијата за едукација Младиинфо Интернационал, оддел Social Impact Lab, во партнерство со Шпаркасе банка Македонија, Пакомак, Конто Профит, Македонски Телеком и Фондот за иновации и технолошки развој, како институционален покровител.
Можеби ќе ве интересира
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
