Обвинителите од СЈО земале бонуси помали од патните трошоци на пратениците

Добивај вести на Viber

Платата на обвинителите во СЈО која како институција да гони најтежок криминал делумно заради самата природа на кривичните дела, делумно заради субјектите кои учествуваат во нив и тоа во најтешкиот период во државата изнесуваше 1300 евра, односно беше за 300 евра повисока од платата која ја примаа обвинителите во другите обвинителства, истакна обвинителката Фатиме Фетаи додавајќи дека за таа плата обвинителите од СЈО постапувале пред Основните, Апелационите и пред Врховниот суд.

По однос на надоместоците, како што образложи обвинителката Фетаи, тоа се иститие оние надоместоци за кои се зборуваше уште од почетокот на формирањето на СЈО.

-Дури се зборуваше и за многу повисоки надоместоци од оние кои ние сега реално ги примаме и примавме и никој тогаш не реагираше, па да појаснам дека самиот профил на лицата кои што ги има во разговорите и од извонредно големата опасност од компромитирање на тие лица меѓутоа и од содржината на разговорите на тие лица упатуваше на тоа дека доверливоста е основен елемент за успешно обавување на функцијата во ОЈО.

Обвинителката Фатиме Фетаи смета дека износите кои ги добивале обвинителите од СЈО биле на ниво на износите кои ги добивале сите специјални обвинители во регионот.

Според Фетаи, годишно сумата достигнувала околу 20.000 евра што било помалку од патните трошоци кои ги добиваат пратениците.

Оббинителката меѓудругото појасни дека износите кој колкава сума ќе добие ги одредувала екс шефицата на СЈО Катица Јанева, а тоа било согласно законот за СЈО.

Во однос на информациите дека во СЈО вчера се правел претрес, Фатиме додаде дека немало такво нешто туку само биле побарани документи за исплатите, додавајќи дека се подготвени и да сносат одговорност ако обвинителството за гонење криминал и корупција утврди неправилности во исплатите.