NVIDIA СТАНА ТРЕТА НАЈВРЕДНА КОМПАНИЈА НА СВЕТОТ - еве кои две се на врвот

Добивај вести на Viber

Nvidia постигна уште еден голем успех со престигнувањето на Сауди Арамко по пазарна вредност, со што производителот на чипови стана трета највредна компанија во светот по Apple и Microsoft.

Компанијата имаше вредност од 2,06 трилиони американски долари по затворањето во петокот. Во меѓувреме, вредноста на Aramco падна на 2,03 трилиони долари, според податоците собрани од Bloomberg.

Акциите на Nvidia пораснаа поради огромната заработка што го потврди оптимизмот на Вол Стрит за потенцијалот на вештачката интелигенција да ја преобликува технолошката индустрија.

Компанијата доминира на пазарот за графички чипови дизајнирани за сложени компјутерски задачи потребни за извршување на апликации за вештачка интелигенција.

Цената на акциите на Nvidia забележа значителен нагорен тренд во текот на годината, со пораст од приближно 66 проценти. Во однос на пазарната капитализација, компанијата додаде приближно 834 милијарди долари во вредност.

Позитивниот тренд на цената на акцијата продолжи и во понеделникот со пораст од 1,8 отсто.

За разлика од Nvidia, Saudi Aramco се соочи со предизвици во перформансите на акциите оваа година. Нивната цена од почетокот на годинава падна за повеќе од пет отсто.

Факторите кои придонесоа за падот на цената на Арамко се намаленото производство на нафта поради намалувањата на ОПЕК Плус и загриженоста за потенцијалната дополнителна понуда на акции од страна на владата на Саудиска Арабија, што може да влијае на нејзината вредност.

Фото: EPA