ЊУ МЕНС БИЗНИС АКЦЕЛЕРАТОРОТ МОДЕРАТОР НА ПАНЕЛОТ ЗА ЕДУКАЦИЈА ЗА ПРЕТПРИЕМАЧИ НА БЕЛГРАДСКИОТ ИНВЕСТИЦИСКИ ФОРУМ
Објавено во: Мои пари 11 Ноември, 2015
Њу Менс Бизнис Акцелераторот ќе биде дел од најзначајниот форум за претприемништво во регионот - Белградскиот Инвестициски Форум - посветен на поддршка на инвестиции во иновативни компании и идеи, кој се случува од 12ти до 14тиноември 2015 година, и на кој ќе учествуваат над 50тина говорници, над 70 инвеститори од Европа и Америка и над 500 стартапи и компании.
Форумот е во организација на Seven Venture Networks од Белград, а Њу Менс Бизнис Акцелераторот од Скопје се јавува воулога на партнер на настанот. Генералниот директор на акцелераторот Ирена Чаушевска во улога на модератор ќе го води ипанелот “Едукација за претприемачи” чии учесници ќе бидат: Марко Чадез, Претседател на српската стопанска комора, ДанеШтанглер, Заменик претседател за истражување и политика на Kauffman фондацијата, Ефка Хедер, Директор на Центарот запретприемачко учење на Југоисточна Европа, Александар Медедовиќ, Член на бордот за меѓународни економски односи наТурција и Софќе Јовановска, Советник на Извршниот борд при Стопанската комора на Македонија.
Претприемачите присутни на настанот кои ќе го посетат штандот на ЊуМенс Бизнис Акцелераторот ќе имаат и уникатнаможност за време на паузите непосредно и во релаксирана атмосфера да се запознаат со Дејвид Голдсмит, консултант закомерцијализација на иновации на НАСА, соосвновач на 12 стартапи, корпоративен советник, иноватор, говорник и автор набестселерот: “Paid to THINK: A Leader’s Toolkit for Redefining Your Future”, и да поразговараат за нивните стартап предизвици.
За време на Белградскиот Инвестициски Форум ќе се одржи и полуфиналето на стартап натпреварот со кој беа опфатени 300 стартапи од регионот во рамки на програмата “Pioneers of the Balkans” кои ќе се натпреваруваат за влез во финалето и освојување наглавната награда од 200.000 евра или друга понуда за инвестиција од страна на присутните инвеститори и фондови. Дел од тимот наАкцелераторот се вклучува со свои претставници како членови на жирито на натпреварот, и тоа Ирена Чаушевска и ВладимирТрајковиќ, а Менаџерот на Смарт-ап центарот на акцелераторот Ивица Пениќ е ангажиран како ментор во рамки на програмата пред сеза поддршка на стартапите од Македонија и Косово, кои со заеднички автобус и со поддршка на акцлераторот ќе пристигнат утре во Белград.