Новинарите во Грција на штрајк ден пред големиот национален штрајк

Добивај вести на Viber

Ден пред генералниот штрајк во Грција новинарите го обработуваат својот протест. Дваесет и четири часовниот штрајк е во знак на протест против пензиските реформи. Претходниот штрајк беше пред една недела.

Протестната акција се случува ден пред генералниот штрајк, закажан за 4-ти февруари, за да не остане земјата без вести за тоа како поминуваат протестите низ целата земја.

Новинарските синдикати се изјаснија против „ударот кој го нанесува планот на министерот за труд Јоргос Катрунгалос по фондовите на примарното и секундарното осигурување , доведување на сите кои (сеуште) работат, пензионери и нивните семејства до целосна беда, наградувајќи ја нелегалната работа и работата „на црно“.

Многу новинари стравуваат дека ќе ги изгубат своите работни места во врска со лиценцирањето на телевизиското емитување. Веќе 25 години телевизиските канали работат со привремени дозволи и владата одлучи да воведе ред во сферата. Ќе се одржи меѓународен тендер за издавање на лиценци.

Според претставник на владата законот ќе им овозможи да се обезбедат не само работни места, но и почитување на правата на секој вработен во медиумите.

Во последните недели во Грција се шират протестите против плановите на владата да го промени системот на социјално осигурување и да ги обедини осигурителните пензиски фондови во еден, како и да ги зголеми даноците.

Дневно фармерите ги затвораат на неколку часа патиштата со трактори. Поради тоа не работат и царинските и контролните пунктови на грчките граници. Во врска со ситуацијата на бугарско-грчката граница, каде се блокирани повеќе камиони, Бугарија побара коридор за транзитните пратки. Според грчкиот амбасадор во Софија Димостенис Стоидис, поставените барања од бугарска страна тешко ќе најдат решение до 4 февруари, бидејќи тогаш се подготвува генерален штрајк во Грција.