НОВИ И КОРИСТЕНИ АВТОМОБИЛИ, ТОВАРНИ ВОЗИЛА, ПЛОВИЛА... - NLB Lease&Go влегува на македонскиот пазар за лизинг услуги, еве што може да се закупи
Објавено во: Финансии 30 Ноември, 2022
Една од најголемите и најмоќните банки во земјава, НЛБ, влегува во сферата на лизингот. Услугите ќе можат да ги користат и граѓани и фирми, а на тој начин ќе може да се закупат нови и користени автомобили, товарни впозила, автобуси, пловила...
Практично, на домашниов пазар за лизинг услуги влегува NLB Lease&Go, информација која НЛБ банка ја сподели со инвеститорската јавност преку ценовно чувствителна информација објавена на берзата.
„НЛБ Банка Скопје како една од најреномираните и системски значајни банки на пазарот кај нас најавува ново поглавје во своето работење кое на клиентите ќе им овозможи лизинг услуги. Имено друштвото е основано од НЛБ Банка Скопје, која поседува 49 отсто од вкупниот основачки капитал на друштвото, заедно со NLB Lease&Gо, лизинг д.о.о. Љубљана. Се очекува до крајот на оваа година и овој сегмент од работењето на друштвото официјално да започне со работа“, се вели во информацијата што ја пласираше банката.
Понудата на NLB Lease&Go Скопје ќе биде наменета за физички и правни лица и ќе опфаќа закуп на нови и користени автомобили, товарни возила, автобуси, пловила, земјоделска и градежна механизација, како и друг вид опрема и машини.
„Оперативниот модел на новиот член на НЛБ Групација како најголема регионална банкарско-финансиска групација, ќе биде фокусиран на креирање иновативни и едноставни решенија за врвно корисничко искуство и целосна дигитализација на процесите.
Деловната активност на новата компанија ќе опфаќа широк спектар на решенија за лизинг, вклучувајќи и осигурување и други придружни услуги за користење на возилата и опремата кои ќе бидат дадени под закуп“, се вели во информацијата која банката ја пласираше преку Берзата.
Н.Н.Ф.
Можеби ќе ве интересира
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
НАЈСТАРАТА МАКЕДОНСКА БАНКА СЛАВИ 80 ГОДИНИ, А ИМА И УБАВА ВЕСТ - еве како оствари чист профит поголем од 14 милиони евра
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
