НОВА ВЛАДА УШТЕ НЕМА, АМА ЗАДОЛЖУВАЊАТА ДОМА МОРА ДА „ВРВАТ“ - издадени државни обврзници од 26 милиони евра
![](/media/main/2024/06/20240607103717.jpg)
Објавено во: Финансии 07 Јуни, 2024
Влада можеби уште не е формирана, ама државата мора да функционира, а мора да се враќаат и стари долгови, односно рати на претходно земени заеми, чии ануитети достасуваат за наплата.
Затоа мора да се земаат и нови заеми, односно државата мора да се задолжува каде што има достапни извори на финансирање.
А, најлесно е во секое време да се земат нови заеми на домашниот пазар, односно преку издавање на државни обврзници, и каде како кредитори се јавуваат домашните банки, како и пензиски и инвестициски фондови, кои се полни со пари, и кои за прилично „мрсни“ камати ја кредитираат државата.
Државата вчера издала два вида државни обврзници, со различна рочност и со различни каматни стапки, а од денеска тие котираат на Македонската берза за долгорочни хартии од вредност. Вкупната вредност на задолжувањето на домашниот пазар е близу 26 милиони евра.
Првите обврзници се петгодишни, што значи дека парите и каматите ќе мора да ги вратиме на 6 јуни 2029 година, а нивниот износ е 9,61 милиони евра. Станува збор за државни обврзници без девизна клаузула. Бидејќи имаат помала рочност, нивната каматна стапка е пониска и изнесува 4,2 проценти.
Вторите издадени државни обврзници се на повисока сума, од 25,87 милиони евра, и тие се 15 годишни, односно доспеваат на 6 јуни 2039 година. Тие се исто така без девизна клаузула.
А, нивната камтна стапка е многу висока, 5,6 проценти, повисока буквално и од кредитите по кои банките ги кредитираат фирмите и населението. Затоа и финансиерите на државата, а тие се домашните банки и фондовите, тријат раце кога таа сака да се задолжува, бидејќи влечат и тоа како одлични камати на нивните вложувања во државните хартии од вредност.
Н.Н.Ф.
Можеби ќе ве интересира
Димитриеска-Кочоска: Ребалансот значи спроведување на колективните договори и сите други обврски, од 2025 може да размислуваме за развоен буџет
![](/media/main/250x170/2024/07/20240727102438.jpg)
КОЈ ИЗБРОЈА ТОПТАН 72 ИЛЈАДИ ЕВРА ЗА 100 АКЦИИ - силниот профит го вивна интересот за акциите на НЛБ Банка
![](/media/main/250x170/2024/07/20240727103426.jpg)
РОДИ МЕ МАЈКО СО К'СМЕТ, ПРЕМИЕР ДА БИДАМ: Еве колкави плати земаат премиерите во Европа
![](/media/main/250x170/2024/07/20240726180650.jpg)
НАЈБОГАТИТЕ ЖИТЕЛИ НА ОВАА ЗЕМЈА ТЕЖАТ ПОВЕЌЕ ОД 1.200 МИЛИЈАРДИ ЕВРА: На врвот на листата се имиња познати на целиот свет
![](/media/main/250x170/2024/07/20240726155107.jpg)
ЕВЕ КАДЕ НАЈМНОГУ ЌЕ ВЕ ЧИНИ КУПУВАЊЕТО СТАН: Цени на недвижностите во Европа
![](/media/main/250x170/2024/07/20240725172230.jpg)
КАКВИ СЕ ЦЕНИТЕ НА СМЕСТУВАЊЕТО, ХРАНА И УСЛУГИТЕ ВО ЦРНА ГОРА? Сè уште е поевтино од другите дестинации
![](/media/main/250x170/2024/07/20240725171654.jpg)
РАБОТЕЛ КАКО СЕЗОНСКИ РАБОТНИК ВО ЛУКСУЗЕН РЕСТОРАН ВО ХРВАТСКА: Му ја намалиле саатницата, бил сместен со 7 работници во една соба, еве го неговот искуство
![](/media/main/250x170/2024/07/20240725162106.jpg)
ПРОФЕСОРИТЕ САШО ЌОСЕВ И ВЛАДИМИР ФИЛИПОВСКИ ДОБИЈА СОГЛАСНОСТ ОД НБМ - трет мандат ќе бидат членови на Надзорен одбор на Стопанска банка Скопје
![](/media/main/250x170/2024/07/20240725144800.jpg)
СИНОХИДРО ЌЕ ЈА ПОВЛЕЧЕ АРБИТРАЖАТА - Владата тврди дека ќе бидат заштедени 50 милиони евра
![](/media/main/250x170/2024/07/20240724183016.jpg)