Нов земјотрес во Индонезија, удар со јачина од 6,2 степени ги погоди Бали и Јава
Објавено во: Свет 06 Декември, 2022
Земјотрес со јачина од 6,2 степени според Рихтеровата скала ги погоди денеска островите Јава и Бали во Индонезија, соопшти индонезиската агенција за следење на земјотресите.
Земјотресот се случил во близина на јужниот брег на провинцијата Источна Јава, на длабочина од 10 километри и 305 километри југозападно од Денпасар, Бали, објави Ројтерс.
#NSTworld A 6.2-magnitude #earthquake rattled #Indonesia's #Bali and Java islands, the country's geophysics agency said.https://t.co/Md5AZcX82A
— New Straits Times (@NST_Online) December 6, 2022
Се додава дека овој земјотрес нема потенцијал да предизвика цунами.
Локалните власти проверуваат дали има штета предизвикана од земјотресите, кои силно се почувствуваа во провинцијата Источна Јава и во Бали, велат жителите на социјалните мрежи, пренесува „Курир.рс“.
Фото: Принтскрин/Твитер