19 Март, 2024
0.0286

НОВ БРАН ПРОТЕСТИ ЈА ПАРАЛИЗИРАА ФРАНЦИЈА: Училиштата затворени, сообраќајот во застој

Објавено во: Економија 31 Јануари, 2023

Добивај вести на Viber

Синдикатите во Франција организираа нови протести против плановите на претседателот Емануел Макрон да ја зголеми старосната граница за пензионирање од 62 на 64 години.

Во штрајкот учествуваат осум големи синдикати, кој ја нарушува работата на училиштата, јавниот транспорт и рафинериите за нафта. Протести се одржуваат низ Франција, откако повеќе од милион луѓе излегоа на улиците во првиот бран протести.

Француските медиуми јавуваат дека половина од наставниците се приклучиле на штрајкот.

Владата на Макрон продолжува со реформите за пензиската возраст, но се соочува со анкети кои покажуваат дека две третини од гласачите се против промените. Предложените измени ќе бидат во парламентот следната недела.

Без мнозинство во парламентот, владата ќе мора да се потпре на поддршката на десничарските републиканци исто колку и на гласовите на владејачките партии.

Жан-Лук Меланшон, лидерот на крајната левица, рече дека Франција е во критичен момент и дека очекува уште повеќе луѓе на улиците од претходниот протест на 19 јануари.

Се очекуваат протести во најмалку 200 градови, а наводно 11.000 полицајци се распоредени да ги покриваат демонстрациите.

Пред главниот протест во Париз, голем одзив беше забележан во Тулуз, Марсеј и Ница на југ и Сен Назер и Нант на запад. Поради протестот имаше сериозни прекини во сообраќајот. Во Париз сообраќаат само две метро линии, а на станиците на лесните железници има голема гужва. 

Синдикатот ЦГТ објави дека најмалку три четвртини од работниците во големата рафинерија „ТоталЕнерџис“ штрајкувале.

Најголемата француска електроенергетска компанија ЕДФ објави дека обемот на работа е намален поради штрајкот на работниците.

Еден од најголемите синдикати на просветни работници објави дека на протестот учествуваат околу 55 проценти од наставниците во средните училишта.

Средношколците организираа протести пред некои образовни институции, а студентите најавија дека ќе го окупираат универзитетот Sciences Po во Париз во знак на поддршка на штрајкувачите.

- На многу Французи им е сè потешко да работат. Не дека не сакаат да работат, туку дека не сакаат да работат во овие услови - изјави политикологот Бруно Палиер за Би-Би-Си.

Владата укажа дека може до одреден степен да ги промени деталите од нацрт-законот, но дека откажувањето од зголемувањето на старосната граница за пензионирање од 62 на 64 години не е опција.

„Секаков вид на реформа што ќе бара од луѓето да работат подолго ќе биде непопуларен, но ние бевме избрани врз основа на овој предлог“, рече Кристофер Вајсберг, пратеник од партијата на претседателот Макрон.

Со 62 години, возраста за пензионирање во Франција е пониска од повеќето други западноевропски земји. Италија и Германија се преселиле да ја зголемат официјалната возраст за пензионирање на 67 години. Возраста за пензионирање во Шпанија е 65 години, а во Велика Британија е 66 години.

Француската влада предупреди дека пензискиот систем е во колапс, бидејќи односот меѓу вработените и пензионерите драстично се менува. Пред половина век соодносот беше четворица работници на еден пензионер, денес е 1,7 работници спрема еден пензионер.

„Имаме универзален систем и системот мора сам да си плати. Ако не, тоа слабее, а ако ослабне, луѓето во одреден момент ќе ги загубат пензиите“, предупреди Вајсберг.

Економистот, професор Филип Агион, рече дека реформите се неопходни бидејќи Франција има структурен дефицит од околу 13 милијарди евра и дека зголемувањето на старосната граница за пензионирање ќе помогне да се зголеми стапката на вработеност.

„Тоа ќе и даде кредибилитет на владата за нови инвестиции во образовниот и болничкиот систем на кои им треба подобрување, како и инвестиции во иновации и зелена индустријализација“, изјави Агион за Би-Би-Си.

Фото: Принтскрин/Твитер

Можеби ќе ве интересира

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ИМА ДОГОВОР ЗА ДЕЛ ОД АМЕРИКАНСКИОТ ПРЕДЛОГ: Дали Косово попушта за динарот?

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

ДА НЕ СЕ НАМАЛАТ ПЛАТИТЕ: Сенатор бара САД да усвојат 32-часовна работна недела

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

„ДИЗЕЛАШИТЕ“ МОЖЕ ДА ЗДИВНАТ, НО НЕ И „БЕНЗИНЦИТЕ“ - еве како се менуваат цените на горивата по полноќ

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?

РОМАНЦИТЕ СЕ МАЧАТ СО ВИСОКА ИНФЛАЦИЈА: Во кои европски земји таа е најниска?

Велковски: 2.252 лица добиле социјална помош, а имале возило

Велковски: 2.252 лица добиле социјална помош, а имале возило

СТАВЕН ПОД ЗАЛОГ ИМОТ ВРЕДЕН 1,8 МИЛИОНИ ЕВРА - „Неметали Огражден“ од Струмица извести за голема зделка

СТАВЕН ПОД ЗАЛОГ ИМОТ ВРЕДЕН 1,8 МИЛИОНИ ЕВРА - „Неметали Огражден“ од Струмица извести за голема зделка

Албанска компанија ја купи „Студио Модерна“ во Македонија

Албанска компанија ја купи „Студио Модерна“ во Македонија

Со што „Макпетрол“ ќе ги израдува акционерите, но и вработените?

Со што „Макпетрол“ ќе ги израдува акционерите, но и вработените?

ГОЛЕМ СКОК НА ЦЕНИТЕ НА НАФТАТА: Побарувачката за „црното злато“ ќе расте

ГОЛЕМ СКОК НА ЦЕНИТЕ НА НАФТАТА: Побарувачката за „црното злато“ ќе расте