НЛБ БАНКА ПРВА ЈА ПОСЛУША НБМ - нема дивиденди, парите одат во нераспоредена добивка и заработувачка за инвестиции
Објавено во: Финансии 26 Март, 2020 12:56
НЛБ Банка прва ја послуша препораката на Народната банка да не исплати дивиденда на своите акциоенри, од добивката што беше остварена минатата година, и со тоа да го надгради капиталот на банката.
Притоа, од добивката што ја оствари лани од 30,08 милиони евра, НЛБ Банка ќе внесе 27,19 милиони евра во нераспоредена добивка и 2,89 милиони евра како задржана заработувачка за инвестиции.
Тоа банката ќе го донесе како одлука на Собранието на акционери што ќе се одржи на 16 април, а сега се предлага да биде нова точка на дневниот ред.
Најголем акционер на НЛБ Банка, кој располага со 87 отсто од капиталот, е НЛБ Љуљана.
Образложението што го дава НЛБ Банка за ваквата одлука е следново.
„Врз основа на неочекуваната ситуација со пандемијата КОВИД-19 и врз основа на Писмото од Народната Банка на Република Северна Македонија од 20 март годинава, во кое се очекува банките во земјава да се воздржат од исплата на дивиденда од реализирана добивка за 2019, со цел да го надградат капиталот и ликвидните резерви над минимално потребниот праг, предлагаме распределба на реализираната добивка за 2019 година - прво во нераспределена добивка во износ од 1.672.270.392 денари (27,19 милиони евра) и задржана заработувачка за инвестиции во износ од 177.647.606 денари (2,89 милиони евра)“, се вели во образложението од НЛБ Банка.
На овој начин, нагласуваат од банката, остварената добивка за 2019 ќе биде на тековно располагање на Банката за ликвидносни цели, како и на располагање на Собранието на акционери за понатамошно одлучување во однос на начинот на постапување со нераспределената добивка понатака, кога Банката ќе има повеќе информации за да направи квалитетна проценка на развојот на економската и финансиската ситуација и нејзиното влијание врз капиталот на Банката и позицијата на ликвидност.
„Во однос на Јавниот повик на НЛБ Банка за свикување на седница на Годишното Собрание на акционери на 16-ти април 2020 и предложениот Дневен ред, би сакале да ве известиме дека, врз основа на Законот за трговски друштва на Република Македонија, НЛБ д.д., Љубљана, како акционер со 87 отсто од капиталот на НЛБ Банка, предлагаме дополнување на Дневниот ред за седницата со нова точка: Предлог - Одлука за употреба и распределување на остварената добивка за 2019“, известува Банката преку Берзата.Според таа одлука, нето добивката на НЛБ Банка за лани во износ од МКД 1.849.917.998 денари (30,08 милиони евра), се распределува на следниов начин: прво нераспределена добивка од 27,19 милиони евра и задржана заработувачка за инвестиции од 2,89 милиони евра.
Притоа од НЛБ Банка објаснуваат дека „добивката која е распределена во задржана заработувачка за инвестиции се употребува за цели на развој и инвестиции во материјални и нематеријални средства за проширување на примарниот бизнис и не е достапна за плаќање на дивиденда на акционерите во иднина (ограничена за дистрибуција на акционери)“.
Одлуката ќе стапи на сила на датумот на донесување.
Со оваа одлука се постигнува да се зајакне ликвидноста и капиталот на Банката, а со тоа и на целиот банкарски сектор во Република Северна Македонија, односно да не се одлеваат срдствата надвор од државата. Преку ова, НЛБ уште еднаш ја потврдува стратегијата за фокус кон регионот и регионалната припадност на Групацијата.
А Народна банка ова не може да го нареди, но може да им го препорача на банките. Очекувањата на монетарните власти се банките - добивката остварена во измината година да ја стават во функција на натамошно зголемување на капиталот и финансискиот потенцијал, и над минималните законски и супервизорски барања, односно за градење дополнителен простор над нив.
„Како што им е укажано, банките треба да се подготвени да обезбедат поддршка на редовното работење на граѓаните и фирмите коишто се нивни клиенти, задоволување на квалитетната кредитна побарувачка, при истовремено покривање на евентуалните кредитни загуби како последица на ефектите на вирусот КОВИД-19 врз домаќинствата и правните лица“, објаснија од централната банка.
Н.Н.Ф.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
