Невработените побрзо до сертификат за деловен англиски јазик
Објавено во: Економија 15 Септември, 2016
Министерството за труд и социјална политика и Агенцијата за вработување го објавија новиот повик за изучување на странски јазици со што невработените до 29 години ќе може да посетуваат бесплатни обуки и да се стекнат со вреден сертификат. Претежно се одбира деловен англиски јазик, но на располагање се и други светски јазици како француски, германски и итн.
- Оваа мерка им заштедува финансиски средства на невработените кои сакаат да ги подобрат своите знаења, компетенции и стручност за да станат поконкурентни на пазарот на трудот зашто ако некој приватно сака да посети курс за деловен англиски и да го сертифицира своето знаење, треба да плати 10.000 денари, изјави Диме Спасов дополнителниот заменик-министер.
Директорката во Центарот за странски јазици Валерија Стојчевска се заблагодари за довербата на Министерството и Агенцијата за спроведување на обуката. Покрај странски јазици невработените може да се стекнат и со сертификат за компјутерски вештини, поточно за Ворд и Ексел програмите.
Слободни се 400 места за странски јазици и 700 за компјутерски вештини. Штом заврши пријавувањето ќе се формираат повеќе групи низ различни градови во Македонија. Обуката ќе трае три месеци интензивно или вкупно 45 часа, а по нејзиното завршувањето е платено и сертифицирањето, односно полагањето за добивање на меѓународно признатиот сертификат од Кемриџ Универзитетот, валиден кај секој работодавач.