Немирите на Блискиот Исток доведоа до „експлозија“ на цената на златото
Објавено во: Економија 08 Јануари, 2020
Златото e на седумгодишен максимум поради тензиите на Блискиот Исток.
Немирите по убиството на иранскиот воен командант Касим Сулејмани во американски воздушен напад на аеродромот во Ирак, ги зголеми цените на златото глобално.
Златото иако се сметаше за безбедно прибежиште за инвеститорите при политички и економски превирања, скокна за околу 1,5 проценти. Во еден момент цената беше 1.579,55 долари по унца. Тоа е највисока цена од април 2013 година, објави Reuters.
Иранската државна телевизија објави дека најмалку 80 „американски терористи“ се убиени во иранскиот напад врз американски цели во две воени бази во Ирак.
По скокот на нафтата, индексите на берзата во Азија денеска паднаа бидејќи Иран испали ракети на американските бази во Ирак, како знак на одмазда за убиството на генералот.
20-тина ирански балистички ракети во два часот утрината по локално време го осветлија небото над Ирак.