НЕМА УКИНУВАЊЕ НА ПОЛИЦИСКИОТ ЧАС: Уште две недели, од полноќ до 4 часот изутрина забрана за движење, локалите со работно време до 23.30

Добивај вести на Viber

И во наредните две недели да остане на сила полицискиот час кој почнува од полноќ и трае до 4 часот изутрина е препораката на Комисијата за заразни болести по редовниот утринскио состанок.

Оттаму за Фактор брифираат дека целта е да нема промени во рестриктивните мерки со цел поголема стабилизација на епидемиолошката состојба во земјава.

-Сведоци сме на секојдневно намалување и на бројот на новозаразени, како и на бројот на примени пациенти во болниците, значи епидемиолошката крива овие денови е постојано во надолна линија, но уште две недели ќе важат рестриктивните мерки за да не се случи нешто непредвидено. Значи полициски час од полноќ до 4 часот забајле и кафеаните, рестораните, локалите, сите угостителски објекти ќе го имаат сегашното работно време, односно до 23.30. Сепак станува збор за респираторен вирус, кој веќе добро знаеме, може да избувне во секое време. Оставаме простор да ја држиме ситуацијата под контрола, барем додека се извакцинираат уште 100.000 граѓани, а со ова темпо на вакцинација, тоа ќе се случи за 14-дена. Значи, за да имаме непречен процес на вакцинација, не смее да ни се случи огромен број новозаразерни на дневна основа, вели извор на Фактор од Комисијата за заразни болести.

Истовремено потенцира дека иако нема конкретен датум кога би имало ново олабавување на рестриктивните мерки, Комисијата за заразни болести, најверојатно ќе препорача од 1.јуни. Инаку, вакцинацијата на граѓаните се одвива насекаде во земјава. Во Скопје во здравствените домови во тек е ревакцинација со АстраЗенека и со Фајзер, додека во Спортскиот центар А1Арена  „Борис Трајковски“ се одвива вакцинација со прва доза на Синофарм и Фајзер.

А.Б.