НЕМА ПОСЕБЕН ЗАКОН ЗА ОБЕШТЕТУВАЊЕ - Заев отворено им кажал на штредачите од Еуростандард
Објавено во: Финансии 14 Октомври, 2020
Нема да има ништо од ново законско решение со кое Владата би ги исплатила оштетените штедачи од Еуростандард банка од државни пари, како што бараат граѓаните и фирмите кои се депоненти на пропадната банка со влогови над 30 илјади евра.
Ова денеска премиерот Зоран Заев им го кажал на штедачите.
Како што соопшти Владата, премиерот Зоран Заев, придружуван од вицепремиерот Фатмир Битиќи, денеска се сретнале со претставниците на Здружението на оштетени граѓани од Еуростандард банка, соопшти Владата. На средбата претставниците на оштетените штедачи ги предочиле проблемите со коишто се соочуваат физичките и правните лица по пропаѓањето на банката и понудиле предлози за можни решенија.
Премиерот Заев, како што велат од Владата, ги сослушал нивните барања и истакнал дека Владата има силна волја да им излезе во пресрет на оштетените граѓани, и дека тоа ќе се направи согласно постоечката законска рамка. Тој предочил дека Народната банка навремено реагирала и презела сѐ што е во нејзина надлежност во однос на нерегуларностите во работењето на Еуростандард банка.
„За нас како Влада првенствен е вашиот интерес како оштетени граѓани, во смисла да обезбедиме соодветни услови за ваше обесштетување. Тоа што е во наша моќ, ние ќе го направиме, но мораме да ја почитуваме законската рамка. Законската рамка и правила се јасни и тие не предвидуваат државата директно да се инволвира преку исплаќања од буџетот. Тоа не смееме да си го дозволиме затоа што тоа е спротивно на законите“, истакнал премиерот Заев на средбата.
Тој додал дека се покренати кривични пријави и други мерки што се во надлежност на јавното обвинителство и ги уверил претставниците на оштетените граѓани дека нивните предлози и сугестии ќе бидат следени од страна на институциите и дека ќе бидат преземени сите потребни мерки за нивно обесштетување согласно законот и стечајната постапка.
Можеби ќе ве интересира
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
НАЈСТАРАТА МАКЕДОНСКА БАНКА СЛАВИ 80 ГОДИНИ, А ИМА И УБАВА ВЕСТ - еве како оствари чист профит поголем од 14 милиони евра
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
