„Некои земји од ЕУ ги преувеличуваат трошоците за климатската транзиција“: Европскиот суд на ревизори со сериозна забелешка

Добивај вести на Viber

Европската унија ги преувеличува трошоците за проекти за климатски промени, потенцијално вредни милијарди евра, изјавија денеска ревизори на ЕУ. Анализата на Европскиот суд на ревизори покажа дека земјите од ЕУ означиле бројни проекти како „зелени“, и покрај тоа што имаат слаба поврзаност со таа област, објави Ројтерс.

Во таа насока, ревизорите посочија примери на земји кои, меѓу другото, сметаат дека ИТ системите и платите се дел од трошењето според „зелената агенда“.

ЕУ вети дека ќе потроши најмалку 37 проценти од својот фонд за закрепнување од 700 милијарди евра, кој се состои од заеми и грантови, за мерки за климатски промени.

Според проценките на ревизорот, земјите од ЕУ го надминале тој план и до февруари вложиле 275 милијарди евра во инвестиции за остварување зелени цели или 42,5 отсто од досега издвоените средства.

На пример, Хрватска ги оцени ИТ системите за дигитализација на системот за водоснабдување како придонес за климатската транзиција, а Словачка ги рангираше платите на својот персонал, кој управува со фондот за ковид, како погодни за „зелена потрошувачка“.

Ревизорите констатирале дека португалската инвестиција во јавниот транспорт, означена како 100 отсто зелена, не ги вклучувала емисиите што ќе ги произведе реализацијата на проектот, што го отежнува оценувањето на „зелената агенда“, пренесува „Политика.рс“.