НЕДОСТИГААТ ИНФОРМАЦИИ ЗА ТЕЖИНАТА НА КЛИНИЧКАТА СЛИКА СО ДЕЛТА СОЈОТ: Затоа е најважна вакцинацијата, попрача Филипче

Добивај вести на Viber

Министерот за здравство, Венко Филипче, кој денеска беше во посета на болницата „Свети Еразмо во Охрид, изјави дека засега нема одлука за рестриктивни мерки на границите, иако, како што нагласи во однос на ова ќе разговара неделава со членовите на Комисијата за заразни болести. Посебно нагласи дека акцентот во македонија е ставен на вакциналниот процес, пред се поради тоа што нема информации за тежината на клиничката слика кај заразените со делта сојот.

-Тоа што се уште не се знае, а чекаме да излезат публикации, последните се во некои британски списанија, поради фактот што таму најмногу имаше случаи, се информациите коишто ни требаат во врска со тежината на клиничката слика на пациентите, односно да видиме како се однесува овој вирус кај луѓето  коишто се или кои не се вакцинирани. И затоа акцент ставаме на вакцинацијата, важно е што поголем број луѓе да се вакцинираат, бидејќи по оваа мутација може да се појави некоја друга, рече министерот. Претежно ќе се зборува за тоа дали треба нешто да се препорача во однос на критериумите за влез, на границите, иако гледаме дека многу земји во регионот иако имаат некакви рестриктивни мерки, Грција на пример, има пораст на нови случаи. Треба да се препорачаат мерки којашто навистина ќе биде ефикасни. И во однос на препораките внатре, функционирањето на отворено-затворено, затоа се протоколите со граничувања. Затоа сметаме дека на овој начин полека го вараќаме животот во нормала. Во овој момент ситуацијата е мирна и затоа нема потреба да се преепорачаат некакви рестриктивни мерки, изјави министерот Филипче од Охрид.