28 Септември, 2022
0.0306

Неби Хоџа: Филмските студија на Џон Малкович би се граделе кај касарната Илинден

Објавено во: Економија 16 Август, 2022

Добивај вести на Viber

Неби Хоџа, претседателот на Стопанската Комора на Северо-Западна Македонија и еден од основачите на „Технолошки парк Скопје“, вели дека филмските и музички студија чија можна изградба во Скопје претходно ја најави холивудската ѕвезда Џон Малкович, би се граделе кај касарната Илинден.

- Би се граделе кај касарната Илинден кај магистралата што го поврзува Скопје со Косово, вели Хоџа за „Фактор“.

Претходно „Скопје технолошки парк“ при своето основање во Македонија објави дека Скопскиот технолошки парк „СТП“ ќе се гради во близина на центарот на Скопје, со точна локација со која се преговара со Владата да биде во близина на земјиштето што било одземено од семејството на управителот Иван Видаковиќ по Втората светска војна.

Хоџа вели дека продолжуваат преговорите со Владата за прогласување на СТП за стратешки инвеститор, но и дека Видаковиќ нема да се откаже дури и ако не го добие земјиштето.

- Тој е посветен и решен да продолжиме, дури и ако не го добиеме земјиштето, вели Хоџа во кратка изјава за „Фактор“.

„СТП“ најавува дека потенцијалната инвестиција ќе има центри за управување со податоци и дигитализација,  вештачка интелигенција и роботика, образовна  технологија, блокчејн технологија за трансакции, сајбер безбедност, FinTech и други дејности. Засега единствената дејност која е регистрирана е издавање и управување со сопствен недвижен имот или земен под закуп.

Технолошкиот парк ќе има луксузна резиденција која ќе вклучува канцеларии, продавници, ресторани и паркинг. Најавена е изградба и на два хотели и конференциски центар. Се планира изградба на кампус кој ќе вклучува IoT дата-центар за податоци, деловен инкубатор, центар за сајбер безбедност и блокчејн центар. Исто така, едношалтерски систем за односи со Владата, корпоративна регистрација, центар за вработување, апликации за грантови, програми за престој (или државјанство). 

STP, исто така, ќе им обезбеди на своите стратешки партнери дополнителни можности за инвестирање во вредност од 200 милиони до 1 милијарда евра, плус поврзани проекти, односно изградба на голем центар за податоци.

Малкович претходно најави дека тоа ќе биде прв центар од таков тип за снимање на холивудски филмови на Балканот. Тој најави дека ќе го посети Скопје веднаш откако Владата ќе го одобри проектот „Скопје технолошки парк“.

Деновиве управителот Видаковиќ за медиумите изјави дека апликацијата за проектот е доставена до Владата уште на 27 јануари, но досега немаат повратен одговор.

Александар Кузмановски

Можеби ќе ве интересира

АКО НЕ СЕ ОБЕЗБЕДИ ГАС ОД СРБИЈА, ТОПЛАНИТЕ ЌЕ РАБОТАТ НА МАЗУТ - советникот на Владата за енергетика ветува парно за скопјани на 15 октомври

АКО НЕ СЕ ОБЕЗБЕДИ ГАС ОД СРБИЈА, ТОПЛАНИТЕ ЌЕ РАБОТАТ НА МАЗУТ - советникот на Владата за енергетика ветува парно за скопјани на 15 октомври

Генерали Инвестментс: Внимателно, неизвесноста и нестабилноста на пазарите се високи

Генерали Инвестментс: Внимателно, неизвесноста и нестабилноста на пазарите се високи

Францускиот амбасадор во официјална работна посета на „Алкалоид“

Францускиот амбасадор во официјална работна посета на „Алкалоид“

Владата ќе набавува централа што ќе произведува струја од дизел

Владата ќе набавува централа што ќе произведува струја од дизел

ВМРО-ДПМНЕ со предлог за законски измени: Комуналните претпријатија, училиштата и болниците не смеат да плаќаат струја на слободен пазар

ВМРО-ДПМНЕ со предлог за законски измени: Комуналните претпријатија, училиштата и болниците не смеат да плаќаат струја на слободен пазар

ССМ: ИНСПЕКТОРИ ВО КОНТРОЛА НА ВОДОВОД И КАНАЛИЗАЦИЈА, стотина фамилии без егзистенција

ССМ: ИНСПЕКТОРИ ВО КОНТРОЛА НА ВОДОВОД И КАНАЛИЗАЦИЈА, стотина фамилии без егзистенција

Владиниот советник Виктор Андонов открива: Гасот ќе го купиме од Србија

Владиниот советник Виктор Андонов открива: Гасот ќе го купиме од Србија

Зошто Путин сака да го разнесе Северен тек?

Зошто Путин сака да го разнесе Северен тек?

Мапирање на ИТ индустријата во Македонија: Кој е најпопуларен програмски јазик?

Мапирање на ИТ индустријата во Македонија: Кој е најпопуларен програмски јазик?