12 Јуни, 2024
0.1488

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

Објавено во: Економија 27 Мај, 2024

Добивај вести на Viber

„Гранит“ сепак ќе дели дивиденда од 42 денари по акција, онака како што предлагаше Управниот одбор на компанијата, а не по 70 денари, како што бараа група помали акционери, кои заеднички поседуват над 5 отсто од акциите.

Оваа одлука била донесена на годишното Собрание на акционери, кое се одржа во петокот минатата недела, а за што компанијата ја извести инвеститорската јавност преку Берзата.

Ова практично значи дека предлог одлуката која ја даде Управниот одбор, а зад која генерално стои семејството Милковски, кои се најголеми акционери во компанијата, практично ја поддржале мнозинството сопственици на акции, кои заеднички располагаат со над 50 проценти од капиталот. Додека, пак, не беше успешен обидот на групата помали акционери, да се дели поголема дивиденда, односно по 70 денари.

А, генерално, разноликоста на мислењата се состоеше во тоа дека Управниот одбор сметаше дека и покрај солидните резултати, не е потребно голем дел од средствата да одат за дивиденди, туку треба да се мисли за стабилноста и иднината на компанијата, додека, пак, помалите акционери беа на став дека има дволно средства да се засили сумата што ќе се подели во форма на дивиденди за акционерите, сразмерно на нивниот сопственички капитал.

Така што, одлуката гласи дека ќе се дели дивиденда од 42 денари за акција, за што компанијата ќе намени вкупна сума од 1,89 милиони евра.

Или практично, Собранието на акционери ја изгласа одлуката на Управниот одбор на компанијата, а таа е нето добивката остварена во минатата година од 2,48 милиони евра, да биде насочена за реинвестирање.

Додека, пак, како дивиденда ќе се наменат средства од акумулирани нераспределени добивки, остварени до крајот на 2008 година, на сума од 1,89 милиони евра.

Последен на тргување со право на дивиденда е 5 јуни оваа година.

Како што веќе пишуваше Фактор, група акционери на градежната компанија „Гранит“, кои заеднички поседуваат над 5 отсто од акциите бараа поголема дивиденда од таа што ја предложи Управниот одбор, или, дивидендата да биде 70 денари бруто по акција, наспроти 42 денари колку што претходно предложи Управниот одбор на компанијата.

Станува збор за акционерите Владе Велиновски, Данчо Масев, Ленче Масева и Нова стоковна куќа Струмица, кои заедно поседуваат повеќе под 5 отсто од вкупниот број акции со право на глас во сопственичката структура на „Гранит“.

Како образложение го дадоа фактот што, според извештаите за 2023 година, „забележливо било дека компанијата располага со висок износ на вложувања расположливи за продажба во котирани друштва во износ од 1.620.140.000 денари (26 милиони евра- н.з.), и од тие вложувања ќе обезбеди реални приливи по основ на дивиденди од преку 103.000.000 милииони денари (1,67 милиони евра –н.з.) во текот на оваа година. Дополнително, има вложувања според објективна вредност, кои се евиденирни како вложувања во Отворени инвестициски фондови, од кои најголем дел се инвестирани во парични фондови, со низок ризик и висока ликвидност во вкупен износ од 102.563.000 денари (1,67 милиони евра – н.з.). Исто така, како што велат, компанијата има и висок износ на акумулирана добивка, во вкупен износ од 2.314.733.000 денари (37,64 милиони евра –н.з.)“.

Беа наведени и серија други аргументи за повисока дивиденда.

Но, на ова стигна опширен одговор од „Гранит“, со кој тие остануваат на својата претходна одлука, давајќи осврт на финансиската состојба и работењето, како и серија аргументи зошто не треба да се исплати повисока дивиденда.

„Друштвото располага со вложувања расположливи за продажба во котирани друштва во износ од 1.620.140.000 денари, и од истите ќе наплати дивиденда во износ од 103.000.000 денари. При донесување на Предлог Одлуката за исплата на дивиденда од страна на Управниот Одбор на Друштвото во вкупен износ од 116.348.568 денари, приливот на дивиденда од вложувањата во котирани друштва е земен предвид и вклучен во предложениот износ. Потоа, друштвото располага со удели во Отворен инвестициски фонд – КБ Паричен Фонд во износ од 95.572.000 денари, кои се само 1,1 отсто од вкупните средства, што не е висок износ, туку тие се парични средства кои ги подмируваат тековните обврски (неисплатени плати за декември 2023 во износ од 59.324.000 денари, неплатен ДДВ за декември 2023 од 10.030.000 денари, исплата на рати по земени кредити од банки за јануари 2024 од 10.000.000 денари и плаќање на тековни набавки за проектите). Овие средства се веќе потрошени за исплата на обврските од тековното работење“, возвраќаат од УО на „Гранит“.

Натаму, како што објаснија, друштвото располага со акумулирана добивка во износ од 2.314.733.000 денари, но акумулираните добивки не се расположливи во високо ликвидни средства, туку во вложувања кои треба да дадат стабилен принос во наредните години, потенцираат од УО.

Н.Н.Ф.

Можеби ќе ве интересира

ПОСКАПЕ ЛЕБОТ И ДЕЛ ОД ПЕЦИВАТА - еве кои се причините и какви се очекувањата за следниот период

ПОСКАПЕ ЛЕБОТ И ДЕЛ ОД ПЕЦИВАТА - еве кои се причините и какви се очекувањата за следниот период

„ДОБРЕДОЈДОВТЕ ВО СЕМЕЈСТВОТО НА VDL“: новите сопственици на „Ван Хол“ со официјален поздрав до вработените во Македонија

„ДОБРЕДОЈДОВТЕ ВО СЕМЕЈСТВОТО НА VDL“: новите сопственици на „Ван Хол“ со официјален поздрав до вработените во Македонија

Предизвиците и решенијата на енергетските компании во време на енергетска транзиција

Предизвиците и решенијата на енергетските компании во време на енергетска транзиција

Мицкоски: Зоран Ставрески е врвен експерт

Мицкоски: Зоран Ставрески е врвен експерт

Народна банка не попушта, нема намалување на каматните стапки

Народна банка не попушта, нема намалување на каматните стапки

КОИ СЕ ТРИТЕ ДАМИ КОИ ДОАЃААТ НА РАКОВОДНИ ПОЗИЦИИ - жените полека ги преземаат финансиите во најголемите компании

КОИ СЕ ТРИТЕ ДАМИ КОИ ДОАЃААТ НА РАКОВОДНИ ПОЗИЦИИ - жените полека ги преземаат финансиите во најголемите компании

Хрватска со најмал број на невработени од осамостојувањето

Хрватска со најмал број на невработени од осамостојувањето

ГЛЕДАТЕ ЛИ НЕТФЛИКС: Се подготвува најголемата промена во последните 10 години

ГЛЕДАТЕ ЛИ НЕТФЛИКС: Се подготвува најголемата промена во последните 10 години

„Катастар“ ја преполнил касата од наплата на имотни листови за граѓаните

„Катастар“ ја преполнил касата од наплата на имотни листови за граѓаните