28 Март, 2024
0.1506

НЕ СТИВНУВА ГЛАДОТ ЗА СТАНБЕНИ КРЕДИТИ - во февруари повторно голем раст, за дури 12 милиони евра

Објавено во: Финансии 25 Март, 2022

Добивај вести на Viber

Ако во јануари малку стивна, во февруари повторно во банките имало „јагма“ за станбените кредити. Тоа го покажуваат податоците на Народна банка на Македонија за движењето на монетарните агрегати во вториот месец од годинава.

Или, бројките на НБМ говорат дека само во февруари, македонските граѓани се задолжиле за нови 12 милиони евра кај некоја од домашните банки за да дојдат до сопствен дом, односно да купат или куќа или стан.

Ако гледаме вкупно, пак, населението од земјава на крајот на февруари им должело на банките дури 1,112 милијарди евра по основ на станбени кртедити.

Изразено процентуално, станбените кредити во февруари бележат месечен раст од 1,1 отсто, додека пак годишниот раст на станбеното кредитирање, односно февруари годинава во однос на февруари лани, изнесува 15,5 проценти.

Во јануари годинава, пак, вкупната задолженост на граѓанството по основ на станбени кредити изнесувала 1,100 милијарди евра. Бројките говорат дека јануарскиот раст на станбените кредити е повеќе од двојно помал од февруарскиот, односно тој изнесувал нецели пет милиони евра, што говори дека во јануари малку се стивнало со одобрувањето и земањето кредити за стан, но во февруари продолжува јагмата за станбени кредити. 

На крајот на декември, лани, пак, вкупната задолженост за станбени кредити изнесувала 1,095 милијарди евра.

Податоците покажуваат дека лани значајно растеле станбените кредити во земјава, и тоа во четвртиот квартал се зголемиле за 38 милиони евра, претходно во третиот растот изнесувал близу 43 милиони евра, а во вторит станбеното кредитирање се зголемило за 40 милиони евра.

А, покрај кредитирањето, нагоре одат и цените на становите, иако за февруари нема податок колку изнесувал порастот, бидејќи Народна банка на Македонија тие податоци ги објавува квартално, така што не се објавени бројките за првото тримесечие од годинава. Цените веќе достигнаа по 2.000 евра од квадрат во општината Центар во главниот град на земјава, но и во некои други поелитни населби, а и во помалку атрактивните 1.100 евра е лимитот под кој не би можеле да пазарите стан.

Лани НБМ, во својот последен квартален извештај, објави дека во четвртиот квартал од 2021 година бил забележан годишен раст на цената на квадратен метар од 11,2 проценти, што е рекорден во последната деценија.

Најголемо поскапување на квадратот е регистрирано во последниот квартал на 2008 година, кога НБМ објавила  годишен раст од цели 24,9 проценти. За таа година се очекуваше дека државата ќе влезе во НАТО, и од тие причини се прегреа пазарот на станови, кој никогаш потоа не се врати на претходното ниво.

Инаку, сегашниот раст на цените на становите, за кој патем, знаеме колкав беше пред да избие војната, а не знаеме колку ќе биде во овие страшни воени услови во кои се поскапува, градежниците го објаснуваа со понуда помала од побарувачката, која во време на пандемија порасна, како и со постојаното поскапување на материјалите. Цените на становите растеше и во цела 2020 година.

Инаку, според последните бројки на Државниот завод за статистика, расте и бројот на издадените одобренија за градба, особено кај високоградбата. Односно, во првиот месец од годинава се издадени 259 одобренија за градење, што е за 30,2 отсто повеќе во однос на истиот месец од претходната година.

Предвидената вредност на објектите изнесува 5.767.024 илјади денари, што е за 186 отсто повеќе во однос на истиот месец од претходната година.

Од вкупниот број издадени одобренија за градење, 154, односно 59,4 отсто се наменети за објекти од високоградба, а 24 или 9,3 отсто за објекти од нискоградба.

Како што навеле од Статистика, во јануари била предвидена изградба на 353 станови, со вкупна корисна површина од 33.312 метри квадратни.

Од кредитите, благ пораст има и кај потрошувачките кредити, додека, пак, опаѓа кредитирањето по основ на кредитни картички и минусни салда.

Н.Н.Ф.

Можеби ќе ве интересира

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Потрошувачки кредит на вашата сметка, додека уживате во топло кафе

Потрошувачки кредит на вашата сметка, додека уживате во топло кафе

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка