НЕ ПРОПУШТАЈТЕ: „Катар Ервејс“ бара персонал од Македонија!
Објавено во: Мои пари 09 Ноември, 2015
Доколку сте отворени и комуникативни и подготвени да работите во мултинационален тим, а истовремено да се преселите во Доха или Катар, тогаш авиокомпанијата „Катар Ервејс“ го има вистинското работно место за вас.
Авиокомпанијата „Катар Ервејс“ на 21 ноември организира интервјуа за регрутација на кабински персонал (стјуарди и стјуардеси) од Македонија. Од потенцијалните кандидати се бара да бидат стари најмалку 21 година, да имаат досег со рацете од 212 сантиметри, најмалку средно образование со течно говорно и писмено изразување на англиски јазик, одлично здравје и физичка подготвеност.
Катар Ервејс е позната како глобална авиокомпанија со пет ѕвездички, која ги предизвикува воспоставените норми и претставува лидер во авионските услуги“, стои во огласот на оваа компанија.
Интервјуата ќе се одржат на 21 ноември, во Холидеј Ин во Скопје, од 9 до 17 часот. Притоа, ќе имате можност да остварите директна комуникација со тимот задолжен за регрутација на нови кадри во компанијата.
Апликациите траат до 20 ноември, а сите заинтересирани може да аплицираат ОВДЕ.
Доколку сонувавте да бидете дел од тимот на Катар Ервејс, а притоа немавте од кој да дознаете нешто повеќе, ние ви пренесуваме искуството на македонката која веќе неколку години работи за оваа авиокомпанија.
Интервјуто прочитајте го подолу во линкот.
[button color="gray" size="medium" link="http://faktor.mk/2015/03/16/faktor-intervju-doznajte-od-prva-raka-kako-e-da-se-bide-stjuardesa-vo-katar-ervejs/" target="blank" ]ФАКТОР Интервју: Дознајте од прва рака како е да се биде стјуардеса во „Катар Ервејс“![/button]