НЕ ОСТАНА ИМУН: Македонец на крузерот во Јапонија се заразил со коронавирус
Објавено во: Македонија 13 Февруари, 2020
Министерството за надворешни работи предмалку информриаше дека има промена во однос на состојбата на македонските државјани кои се наоѓаат на бродот “Diamond Princess” во Јокохама и дека кај еден од нив е потврдено присуството на коронавирусот.
Како што се додава, заразениот е хоспитализиран во здравствена установа во Јапонија, додека останатите двајца засега не се пожалиле на симптоми кои укажуваат на коронавирусот и рекле дека се добри.
Она што го посочија од МНР е дека нашата амбасада во Токио има постојана комуникација со македонскиот државјанин.
Се работи за лица кои работеле на крузерот, двајца мажи и една жена.
Коронавирусот дефинитивно коси во Кина, каде што бројот на починати веќе е над 1100 луѓе.
Бројките на Националната здравствена комисија вклучуваат 97 нови смртни случаи и вкупно 44.653 заразени откако епидемијата избувнува минатиот месец.