НЕ БИДИ НИНА - не стивнуваат реакциите за неодговорната директорка

Добивај вести на Viber

Не стивнуваат реакциите за директорката на Дерматологија чија постапка беше осудена од многумина во земјава.

Таа, иако била во Италија, не кажала никому туку продолжила да работи, се најде и во хрватските медиуми. 

Хрватски Индекс пишува за неа.

„Нина Цаца Билјановска е македонски доктор кој се зарази со коронавирус во италијанскиот скијачки центар Алта Бадија. Она што ја зачуди јавноста таму е нејзиното однесување откако се врати од скијање. Имено, заразената Билјановска продолжи да доаѓа на работа и, меѓу другото, учествуваше на стручен семинар, што резултираше во карантин на повеќе од 200 лица. Таа не сакаше да биде тестирана“, пишува Индекс.

Натаму, овој познат хрватски медиум наведува дека покрај ова, според некои медиуми во земјата, колегите на д-р Билјановска побарале таа да биде тестирана при нејзиното враќање од Италија, но таа им се заканила со отпуштање доколку пријават за тоа.

Индекс потсетува и дека по престојот во Алта Бадија кон крајот на февруари и почетокот на март докторката објавила серија фотографии на социјалните медиуми.

За докторката се појавија и шеговити досетки на нејзина сметка. На социјалните медиуми, фејсбук и инстраграм се споделува фотографија од еден локал, со натпис на кој стои „не биди Нина, дезинфицирај се“, со голем број хигиенски средства за заштита, како алузија дека тие треба да се применуваат за нацијата полесно да го превенира ширењето на опасниот коронавирус.