22 Октомври, 2020
0.0196

НАРОДНА БАНКА ОПШИРНО ЗОШТО МОРАЛА ДА ЈА ЗАТВОРИ ЕУРОСТАНДАРД - ниту сопственикот ниту инвеститорот не го обезбедија потребниот капитал

Објавено во: Финансии 18 Септември, 2020

Народна банка денеска со опширно соопштение ја информира јавноста дека одлуката за укинување на дозволата на Еуростандард банка била донесена целосно во согласност со законите и заштита на депонентите, а дека банката не ги исполнувала минимум потребните законски услови за работа.

Ниту сопствениците, велат од НБМ, ниту потенцијалниот инвеститор, не го обезбедија потребниот дополнителен капитал за банката. 

„Во насока на точно информирање на јавноста, имајќи ги предвид невистинитите информации коишто во изминатиот период во неколку наврати беа пласирани во врска со укинувањето на дозволата за основање и работење на „Еуростандард банка“, како и невистините за банкарскиот систем и за работењето на Народната банка, монетарните власти сакаат да потсетат. Одлуката за укинување на дозволата за основање и работење на „Еуростандард банка“ е донесена согласно со Законот за банките, каде што се пропишани условите за работа во овој сектор. Одлуката е донесена заради неисполнување минимални законски услови за работа на банка“, велат од НБМ.

Согласно со Законот за банките, за да се основа банка потребен е капитал од најмалку 310.000.000 денари (5,04 милиони евра), што сопствениците и банката во текот на своето работење се должни да го одржуваат или зголемуваат, но не смее да се намалува. Имајќи предвид дека секоја банка, покрај со сопствените средства располага и работи и со средствата на депонентите, со Законот е утврдена и минимална стапка на покриеност на пласманите на банката со сопствените средства, т.н. стапка на адекватност на капиталот од 8 отсто.

„Одлуката за укинување на дозволата на „Еуростандард банка“ како и сите други одлуки што ги носи Народната банка, произлегува исклучиво од примена на законите, согласно со утврдени процедури коишто се усогласени со најдобрите меѓународни практики. Стручните супервизорски тимови на Народната банка подготвуваат целокупна аналитичка инфраструктура, односно информации, анализи и предлози за постапување, врз основа на коишто се носи одлуката. На овој принцип е донесена и конкретната одлука што се однесува на „Еуростандард банка“.

На оваа одлука претходеа низа супервизорски мерки. Имено, поради слабостите во своето работење, „Еуростандард банка“ подолг период беше подзасилен супервизорски надзор и беа изрекувани бројни супервизорски мерки, чија цел беше санирање на состојбите и опстанок на Банката, во насока на заштита на билансот на Банката, а со тоа и на депонентите. Една од мерките беше спроведување План за подобрување на состојбата со кој сопствениците се обврзаа да извршат дополнителна уплата на капитал.

Согласно со состојбата во Банката, единствено можно решение беше сопствениците да ја исполнат својата законска обврска и да вложат дополнителен капитал за да се исполни законски утврдената минимална стапка на адекватност на капиталот од 8 отсто.

Заради неизвршената уплата на капитал од страна на сопствениците, а при поголеми загуби од работењето на Банката, со супервизорската контрола на Народната банка се утврди дека вредноста на капиталот и стапката на адекватност на капиталот на „Еуростандард банка“ се под законскиот минимум. 

Народната банка во овој процес на супервизија и изрекување мерки за подобрување на состојбите во „Еуростандард банка“, во комуникацијата со сопствениците постојано укажуваше на потребата за исполнување на законската обврска и дополнително итно вложување на капитал во Банката. За жал, ниту од сопствениците на Банката, ниту од потенцијалниот инвеститор посочен од нивна страна, со кого Народната банка исто така имаше интензивна комуникација, не се обезбеди потребниот капитал за да се достигне законски утврдениот минимум. Воедно, потенцијалниот инвеститор не ја достави потребната документација за отпочнување на постапка за утврдување дали ги исполнува законските услови за акционер на банка.

Оттука, Народната банка немаше простор за никакво друго решение освен постапување согласно со законот и носење на решение за укинување на дозволата за основање и работење на „Еуростандард банка“. Народнатабанка не смее да дозволи да продолжи со работа банка којашто не исполнува минимални законски услови.

Како што во повеќе наврати соопштивме, „Еуростандард банка“ е изолиран случај. Банкарскиот систем е стабилен и сигурен. Народната банка како независна институција ќе продолжи да работи професионално и да ги следи и спроведува домашната регулатива и најдобрите меѓународни практики.

Народната банка е постојано достапна за сите информации коишто се во нејзина надлежност.

Можеби ќе ве интересира

ММФ ПОРАЧАЛ: Народна банка постапила правилно со одземањето на дозволата на Еуростандард, да не се политизира нејзината работа

ММФ ПОРАЧАЛ: Народна банка постапила правилно со одземањето на дозволата на Еуростандард, да не се политизира нејзината работа

ПРАТЕНИЦИ И ЕКСПЕРТИ - ќе има ли жешко собраниско чешлање на Еуростандард

ПРАТЕНИЦИ И ЕКСПЕРТИ - ќе има ли жешко собраниско чешлање на Еуростандард

ШОКАНТНО ТВРДЕЊЕ НА КОСТОВСКИ: Големи пари од Еуростандард се одлевале во струмичкиот регион и во фирма која требало одамна да биде банкрот

ШОКАНТНО ТВРДЕЊЕ НА КОСТОВСКИ: Големи пари од Еуростандард се одлевале во струмичкиот регион и во фирма која требало одамна да биде банкрот

КРИВИЧНАТА ПРИЈАВА СТИГНАЛА ПРЕД ОСУМ ДЕНА - како ќе се одмотува клопчето Еуростандард банка

КРИВИЧНАТА ПРИЈАВА СТИГНАЛА ПРЕД ОСУМ ДЕНА - како ќе се одмотува клопчето Еуростандард банка

Народна банка поднесе кривична пријава против поранешни одговорни лица во Еуростандард банка

Народна банка поднесе кривична пријава против поранешни одговорни лица во Еуростандард банка

НЕМА ПОСЕБЕН ЗАКОН ЗА ОБЕШТЕТУВАЊЕ - Заев отворено им кажал на штредачите од Еуростандард

НЕМА ПОСЕБЕН ЗАКОН ЗА ОБЕШТЕТУВАЊЕ - Заев отворено им кажал на штредачите од Еуростандард

Народна банка: Основната камата нема да се намалува, бидејќи има ризици

Народна банка: Основната камата нема да се намалува, бидејќи има ризици

Блажев: Има граѓани што продале имот, или штеделе пензии за да им бидат на едно место, и потоа парите им пропаднаа

Блажев: Има граѓани што продале имот, или штеделе пензии за да им бидат на едно место, и потоа парите им пропаднаа

БЕРЗА: Во првите девет месеци пораснал прометот, а нагоре отишле само цените на акциите на Алкалоид, Комерцијална и НЛБ Банка

БЕРЗА: Во првите девет месеци пораснал прометот, а нагоре отишле само цените на акциите на Алкалоид, Комерцијална и НЛБ Банка