Направија повеќе од 100 милиони евра! Кои се компании со најголеми приходи?

Добивај вести на Viber

Шеснаесет компании лани беа најголемите економски субјекти меѓу мноштвото фирми кои застанаа на браникот против корона кризата. Овие друштва се најголемите генератори на приходи, а богами и на девизи, а направија приходи кои биле повисоки од 100 милиони евра. Меѓу нив седум друштва се профилирани како големи извозници, пет се енергетски компании (производители, снабдувачи и трговци), две телекомуникациски компании, македонскиот фармацевтски гигант, најголемиот ланец на супермаркети и државната фирма која ги собира патарините и стопанисува со автопатите.

Во нашата национална економија лани 16 компании направиле приходи повисоки од 100 милиони евра. Меѓу нив седум друштва се изразити извозници, а другите се генерално или целосно ориентирани на домашниот пазар. На листата на најголемите 16 има три од бројните странски гринфилд инвестиции. Кај сите три е евидентно намалување на приходите што е резултат на намалените нарачки предизвикани од корона кризата. На листата има две државни фирми и четири кои се мнозински поседувани од домашни акционери. Убедливо најголема компанија која е стационирана во земјава, а работи за извоз е производителот на автомобилски катализатори (меѓу другото) „Џонсон Мети“ која лани имала приход од 1,75 милијарди евра. Најмалиот на листата на најголемите е кавадаречкиот металски гигант ИГМ-Трејд кој лани имал приход од 108,7 милиони евра.
Интересно е тоа што најпрофитабилна меѓу овие компании не е „Џонсон Мети“ туку државната компанија која ги собира патарините Јавното претпријатие за државни патишта (ЈПДП) кое верувале или не лани има профит од 74,7 милиони евра.