НАПОЛНИЛЕ 12 КИЛОГРАМИ ХЕРОИН ВО АВТОМОБИЛ - ги фатиле во Црна Гора

Добивај вести на Viber

По повеќемесечна заедничка активност на полициите на Црна Гора и на Северна Македонија, на граничниот премин Кула денеска во македонски автомобил се запленети околу 12 килограми хероин и уапсени се две лица.

Како што соопшти Полициската управа на Црна Гора, на царинскиот премин Кула, била извршена контрола на возило марка „Хјундаи“ со регистарски таблици на Северна Македонија, со кое управувал А.А. (28) од Скопје, а на совозачкото место се наоѓала И.С. (23), исто така, од Скопје.

„По деталниот преглед на возилото, во добро скриен и специјално изработен бункер, кој се наоѓал во задниот дел на автомобилот, се пронајдени 24 пакувања со вкупно количество од околу 12 килограми хероин, се наведува во соопштението. Со полициската акција е пресечен шверцерски канал, преку кој од правец на Македонија, хероин од Косово, преку територијата на Црна Гора, се пренесувал кон земјите од Западна Европа. Се претпоставува дека во конкретниот случај дрогата била наменета за Италија“, се вели во соопштението.

Согласно координираните активности, се додава, во Македонија во тек се претреси на повеќе локации и се врши идентификување, лоцирање и процесуирање на останати учесници, кои, како што постои сомнеж, се вмешани во орагинизирано криумчарење хероин преку оваа рута.