Нападот на танкерите ја вивна цената на нафтата

Добивај вести на Viber

Цените на нафтата скокнаа за четири отсто по нападот врз танкерите.

Цените денеска на меѓународните пазари скокнаа за четири отсто поради стравувањата по нападот врз два танкера во Оманскиот залив во близина на иранските води и Омуршкиот теснец. Тој е важен пат за светските испораки на нафтата.

На лондонскиот пазар цената на барелот скокна за 1,91 долар или за 3,18 отсто во однос на затворањето на претходниот трговски ден, откако во четвртокот во еден момент скокна дури за 4,45 отсто, на 62,64 долари. На американскиот пазар барелот беше во плус од 1,42 отсто или за 2,78 отсто, на 52,56 отсто, откако накусо скокнал 3,85 отсто, на 53,11 долари.

Организацијата на земјите извознички на нафта (OPEC) утрово објави дека цената на барелот на нејзината референтна кошница нафта на нејзините членки, во средата изнесувала 61,91 долар и била 1,55 долари пониска во однос на претходниот трговски ден.

Танкерите „Front Altair“ под знаме на Маршаловите острови кој превезувал нафта, и „Kokuka Courageous“ под панамско знаме кој превезувал метанол, се евакуирани, а екипажите спасени. Изнајмувачот на „Front Altair“ се сомневал дека танкерот е погоден со торпедо, додека од другиот танкер соопштија дека се сомневаат во напад во кој имало оштетувања на бродот, но товарот останал неоштетен. Инцидентот следеше по минатомесечните напади врз бродови во близина на емиратот Фуџајра, каде се наоѓа еден од најголемите светски јазли за товар на нафтата.