Напади во Кременчук и Дергачив - има жртви и повредени
Објавено во: Свет 13 Мај, 2022
Најмалку двајца загинати и седум повредени има при руските напади во градот Дергачив во Украина.
„Руска ракета погоди и територија на аеродромот во Харков, а во гранатирање на областа Салтивка, повредени се три лица“, изјави гувернерот на регионот Харков, Олег Синегубов.
Руските сили извршија ракетен напад врз нафтена рафинерија во индустрискиот град Кременчук во централна Украина, уништувајќи го нејзиниот производствен капацитет и резервоарите за гориво. Соборен е украински авион Су-27 во регионот Харков. Украина тврди дека воспоставиле контрола над селата северно и северноисточно од Харков и ги потиснале руските војници кон границата.
Светските лидери треба да се подготват војната во Украина да трае и да ги разгледаат нејзините долгорочни последици, изјави францускиот министер за надворешни работи Жан-Ив Ле Дријан. Тој кажа дека војната ќе доведе до долгорочни последици во светот.foto EPA/OLEG PETRASYUK