Наместо повеќе бензин, ТНГ и биогориво, Македонија се сврте кон мазутот
Објавено во: Економија 08 Мај, 2020 07:00
Македонија во 2019 потрошила дури 12.000 тони повеќе од штетниот и нееколошки мазут како нафтен дериват. Продажбата во земјата изнесува повеќе од 72.000 тони минатата година, што значи голема разлика во однос на претходните.
Мазутот е продукт кој се добива со дестилација на нафтата и важи за голем загадувач воздухот и животната средина. Фосилното гориво го согоруваат индустриските капацитети и термоцентралите како најголеми потрошувачи, но и јавните установи како болниците, училиштата, касарните и градинките.
Државата веќе се декларираше дека токму постепеното исфрлање на употребата на мазутот е приоритет во борбата против загадувањето на воздухот, но е и економски бенефит. Поради енормното загадување на воздухот Владата препорача институциите да се откажуваат од користење на мазутот.
Сепак бројките што ги објави Регулаторна комисија за енергетика го покажуваат спротивното. Ако во 2018 и 2019 се продавале во Македонија нешто повеќе од 60.000 тони мазут, минатата година потрошувачката изнесувала 72.240.
Покрај тоа ова гориво често знае да подлежи и на сомнителен квалитет истовремено кога Европската енергетска заедница притиска Македонија да се доближува до стандардите на ЕУ: Се бележи тенденција земјата да го зголемува трошењето на нееколошките горива, додека стагнира купувањето на нафтените деривати кои се поприфатливи за животната средина.
Црвената нафта се купува поевтино на црниот пазар и со неа се полнат резервоарите на постари дизел автомобили и земјоделски машини, веќе констатираше Министерството за економија. Иако потребите за екстра лесно гориво за централно греење се од 8 од 10 илјади тони годишно, тие и минатата година се троеле преку 40 илјади тони. Околу 45,5 илјади тони се потрошиле и во 2018 и во 2019. Дизелот, кој исто така е нееколошки, бил продаван за дури 70.000 тони повеќе. Ако во 2017 и 2018 биле купени нешто повеќе од 570 илјади тони, лани количината изнесувала дури 642.742 тони. Од друга страна - бензините, течниот нафтен гас и биогоривото остануваат со исти бројки во три последователни години. А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
