НАЈНОВА ВЕСТ: ВО МОМЕНТОВ СЕ ОДВИВА ГОЛЕМ ГРАБЕЖ КАЈ СКОПЈАНКА - напаѓачите се со хируршки маски
Објавено во: Македонија 31 Март, 2023
Вистинска драма се случува во моментовв во скопски Аеродром, на локацијата Порта Аеродром, карши Скопјанка.
На терен се 4 до 5 полициски возила, и тоа полициски сили на Интервентната полиција, со огромен број полицајци, сериозно вооружени и со панцири.
Според информациите до кои дошле наши читатели кои биле на терен, наводно се работи за голем грабеж во некој од објектите на таа локација, а некои од претпоставките кои не се потврдени, одеа во насока дека можеби се работи за обложувалница.
Сознанија од терен говорат дека во објектот грабеж извршиле неколку напаѓачи кои биле вооружени, а биле маскирани и таму влегле со хируршки маски.
Нашите информации говорат дека нема повредени.
Нашиот читател ни испрати и фотографија од кој се гледа драматичното присуство на полицијата во тој реон. Сведоците велат дека припадниците на полицијата биле видно растрчани и возбудени.
Повеќе детали наскоро.
Можеби ќе ве интересира
Автопатот пред влезот на Охрид ќе биде затворен во наредните 45 дена
Муареми ќе ја тужи Русковска откако Обвинителството го прогласи за невин
Патот Каменица - Делчево затворен до вторник поради големата дупка што се отвори
Кузеска: Раката е подадена, да се работи во интерес на државата
ФАКТОР НА ДЕНОТ: Има бурни реакции во јавноста откако Меџити кажа дека косовски државјани ќе се лекуваат овде по исти цени како македонските граѓани
