Нафтената тројка ќе го откачи доларот за криптовалути

Добивај вести на Viber

Нафтената тројка составена од Русија, Иран и Венецуела планира наскоро да овозможи за тргување со сурова нафта да се тргува со криптовалути, наместо купопродажните договори и трансакциите да се извршуваат преку американскиот долар кој е практично врзан на светските берзи и е еден од главните одредници за цената на „црното“ злато.

Со прифаќање на block chain технологијата Русија, Иран и Венецуела ќе им зададат силен удар на Соединетите Американски Држави при што нивната валута ќе стане помалку вредна и практично непотребна во новиот вид на анонимни трансакции со употреба на дигитални и криптовалути.

Засега не се разговара конкретно дали ќе се користи биткоинот или некоја друга популарна криптовалута, но треба да се земе во предвид дека и Централните банки на Русија, Иран и Венецуела, секогаш ја имаат на располагање можноста сами да креираат дигитални пари кои ќе имаат реална вредност поддржана од економски параметри, како што е на пример производството на нафта или златните резерви, што секако ќе биде во нивна корист.

Исто така со користење на заедничка нафтена крипто валута и тајноста која ја нуди ќе се одбегнат американските санкции кои се насочени токму против овие три држави и потоа многу полесно би се извршила конверзијата на трансакцијата во националната валута или друго платежно средство.