(ГАЛЕРИЈА) Над 1.500 жени трчаа во Градскиот парк за промоција на спортот и здравиот живот
Објавено во: Мои пари, Галерија 09 Април, 2017
Повеќе од 1.500 жени, меѓу кои имаше рекреативни тркачи, мајки со бебиња во колички, професионални атлетичарки, жени со своите миленици, девојчиња и пензионерки, беа дел од денешната Авицена Женска трка што се одржа во Градскиот парк во Скопје. Стартот на трката беше кај Школка, од каде учесничките истрчаа 2 километри низ паркот и на целта се освежија со „Пелистерка“, еден од главните поддржувачи на оваа манифестација.
Пред официјалниот старт на трката, учесничките половина час се загреваа со аеробик и одлична музика, водени од сертифицирани аеробик инструктори. По завршувањето на трката, пак, имаа дополнителни вежби за истегнување и за релаксација. Најдобрите три натпреварувачки во генералниот пласман добија награди, медали и дипломи, а награди имаше и за најдобрите три во неколку возрасни категории. Сите пријавени учеснички на трката добија подароци од спонзорите на настанот, а беше организирана и лотарија за сите учеснички, при што најсреќните дома заминаа со подароци обезбедени од бројните пријатели на трката.
- Здравиот живот и рекреацијата не се само навики, туку се култура на живеење. На сите нас рекреативното вежбање треба да ни биде неизоставен дел од секојдневието бидејќи грижејќи се за сопственото здравје, се грижиме и за нашите најблиски. Научните истражувања низ светот го потврдија фактот дека вежбањето, одржувањето на кондицијата и доволното количество вода се од огромно значење за здравјето на модерните жени. Затоа промоцијата на спортот и физичките активности се дел од втемелената определба на „Пелистерка“ кога станува збор за одговорен пристап кон заедницата и општеството – велат од „Пелистерка“, еден од главните поддржувачи на Женската трка.
Женската трка е дел од промотивните активности за најмасовниот спортски настан во Македонија, Скопскиот маратон, кој ќе се одржи на 7 мај. Целта на организирањето на Женската трка е да се популаризира трчањето како спортска активност меѓу жените и да им се предочат придобивките за нивното здравје од редовната рекреација и вежбање.
ФОТО ФАКТОР
Можеби ќе ве интересира
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
