Над 100 илјади визи откажани во САД по декретот на Трамп
Објавено во: Свет 03 Февруари, 2017
Повеќе од 100 000 визи се откажани во врска со наметнатата забрана на муслимани од претседателот на САД Доналд Трамп за седум држави да влегуваат на американска територија, соопшти агенцијата Крос. Податоците се откриени за време на сослушување на жалба на двајца браќа од Јемен, кои пристигнале на аеродромот „Далас“ во Вашингтон во петокот, а потоа се качиле на авион до Етиопија.
Минатата недела претседателот на САД Доналд Трамп го потпиша контроверзниот декрет со кој се забранува приемот на граѓани од седум земји за период од 90 дена, на бегалци за 120 дена и Сиријци за неограничен период.
Забраната предизвика низа негативни реакции од страна на муслиманските заедници во САД и во светот.