23 Јули, 2024
0.0244

НА ЖЕШКОТО СОНЦЕ, УШТЕ ПОЖЕШКА ЗДЕЛКА - кој плати сума од еден милион евра за помалку од 5 отсто од една тетовска компанија

Објавено во: Економија 19 Јуни, 2024

Добивај вести на Viber

Кој вели дека е здодевно на македонскиот пазар на капитал. Нема, нема, па ќе се случи некоја блок трансакција, која и тоа како заслужува новинарско внимание и анализа.

Една таква вест за значајна блок трансакција беше вчерашната, во која главна улога имаа акциите на тетовскиот комбинат „Тетекс“. И според сумата, која се доближува до еден милион евра продадени акции во исти ден и за еден познат купувач, но и според акционерскиот пакет кој беше продаден, а тоа се 4,62 проценти од вкупниот акционерски капитал, што воопшто не е за потценување.

Што всушност помина вчера на Берзата.

Како што известија оттаму, биле продадени 19.118 обични акции, што е 4,62 отсто од сопственичката структура на тетовското акционерско друштво.

Секоја акција постигнала цена, односно била продадена по 3.150 денари за акција, што значи дека вкупната вредност на трансакцијата била 60.221.700 денари, што е рамно на 979 илјади или близу еден милион евра.

Сега не знаеме кој е тој што ги купил акциите, но за него е факт дека не жалел пари за да се стекне со овој акционерски пакет. Бидејќи, последната цена која е на редовниот пазар платена за акции на тетовскиот некогаш текстилен комбинат, изнесува 3.000 денари за акција. Тоа тргување се случило пред неколку дена, односно на 14 јуни, но притоа била купена минорна количина од само пет акции.

Затоа, пак, два дена порано, односно на 12 јуни, акцијата на „Тетекс“ била многу популарна на редовното тргување, и тогаш се истргувале дури 669 акции, но цената била прилично пониска и изнесувала 2.799 денари за акција.

Или, ако некаде во април спласнал и интересот за купување на акциите на комбинатот, а се намалила и нивната цена, факт е дека сега во јуни се случува своевидно „воскреснување“ и само нагорни височини, и на количините, и на цените кои се тргуваат.

Која е причината за овој раст, можеби ќе дознаеме од наредната недела, кога Централниот депозитар за хартии од вредност ќе треба да ја ревидира сопственоста, односно ако некој со новиот пакет го зголемил својот акционерски процент, или, пак, ако излезе некој нов сопственик на акции со над 5 отсто, покрај сегашните тројца акционери физички лица, кои се доминантни во акционерската структура.

Во моментов, без да е тука вкалкулирана блок трансакцијата, најголем акционер е Иванка Гоговска, и таа поседува 6,92 отсто, потоа Лоди Гоговска располага со 6,89 проценти и Бобан Гоговски, кој воедно е и генерален диртектор на компанијата, поседува 6,67 отсто од акционерскиот пакет.

Исто така, 17 домашни правни лица поседуваат заедно 9,96 отсто од акциите.

А, покрај тројцата доминантни акционери, во „Тетекс“ има уште 1.021 акционери домашни граѓани, односно физички лица, чии акции заедно изнесуваат 69,23 проценти.

Каква ќе биде акционерската структура после блокот од еден милион евра, ќе видиме во понеделник.

Инаку, Фактор неодамна пишуваше дека тетовскиот комбинат „Тетекс“ одлучи половина од минатогодишната добивка да ја подели како дивиденди, половина да остане за идниот период како нераспоредена добивка, а пет проценти од профитот или 73 илјади евра ќе завршат на контото на генералниот директор Бобан Гоговски. 

Како што наведоа од Тетекс, нивниот чист профит за минатата година изнесувал 1,53 милиони евра. Од овие пари, многу помал дел отиде за законски резерви на друштвото, и тоа сума од околу 77 илјади евра.

Остатокот од овие средства, пак, ќе се подели на приближно еднакви суми. Односно, 730 илјади евра ќе се исплати во вид на дивиденда на акционерите, додека, пак, 727 илјади евра ќе останат како износ на нераспоредена добивка.

А, Бобан Гоговски кој се наоѓа на челната позиција на комбинатот, ќе добие 5 проценти од 1,457 милиони евра, што е рамно на близу 73 илјади евра.

Инаку, во текот на минатата година приоритетна приходна дејност на тетовскиот комбинат била издавање и управување со сопствен недвижен имот или недвижен имот земен под закуп.

Во своите отчети кон акционерите од компанијата објаснија дека остварената добивка е зголемена и благодарение на продажбата на залихите на производи кои долг период ја оптоваруваа билансната состојба на Друштвото.

Инаку, лани „Тетекс“ оствари чист профит од 1,53 милиони евра. Бобан Гоговски од овој профит, согласно со акциите со кои располага, доби дивиденда од 48,7 илјади евра. Или, вкупно првиот човек на Тетекс, како резултат на успешното работење на компанијата во минатата година, инкасира сума од нецели 122 илјади евра.

Н.Н.Ф.

Можеби ќе ве интересира

ПАД НА ПРОДАЖБАТА НА СТАНОВИ И КУЌИ НИЗ ЕВРОПА: Еве каде најмалку купуваат „покрив над глава“

ПАД НА ПРОДАЖБАТА НА СТАНОВИ И КУЌИ НИЗ ЕВРОПА: Еве каде најмалку купуваат „покрив над глава“

ПОДЕМ НА ПАТУВАЊАТА СО ВОЗ: Кина изброја над 300 милиони железнички патнички патувања досега во летниот метеж

ПОДЕМ НА ПАТУВАЊАТА СО ВОЗ: Кина изброја над 300 милиони железнички патнички патувања досега во летниот метеж

Николоски: Владата ќе бара дел од средствата за изградба на пруга до Бугарија, да се пренаменат за брзата пруга на Коридорот 10

Николоски: Владата ќе бара дел од средствата за изградба на пруга до Бугарија, да се пренаменат за брзата пруга на Коридорот 10

БИЗНИСМЕНОТ АЗМАНОВ ОТКРИВА: Да, точно е дека продавам акции, а со парите сакам повторно да градам во Македонија, но ако тука не бива, ќе одам во Грција

БИЗНИСМЕНОТ АЗМАНОВ ОТКРИВА: Да, точно е дека продавам акции, а со парите сакам повторно да градам во Македонија, но ако тука не бива, ќе одам во Грција

Еден е Ворен Бафет од Пласница! Како „Пуцко Петрол“ од алашвериш со акции на ОКТА за еден ден заработи 7 милиони евра?

Еден е Ворен Бафет од Пласница! Како „Пуцко Петрол“ од алашвериш со акции на ОКТА за еден ден заработи 7 милиони евра?

МИСЛЕА ДЕКА РАБОТАТА ЌЕ ДОЈДЕ САМА АКО ИЗГРАДАТ КУЌА И БАЗЕН - Вилите на море во една туристичка земја зјаат празни

МИСЛЕА ДЕКА РАБОТАТА ЌЕ ДОЈДЕ САМА АКО ИЗГРАДАТ КУЌА И БАЗЕН - Вилите на море во една туристичка земја зјаат празни

КРИС ПАВЛОВСКИ Е СО МАКЕДОНСКО ПОТЕКЛО, РАБОТИ СО ТИМОТ НА ТРАМП ВО РАЗВИВАЊЕ НА RUMBLE - премиерот откри интересни детали

КРИС ПАВЛОВСКИ Е СО МАКЕДОНСКО ПОТЕКЛО, РАБОТИ СО ТИМОТ НА ТРАМП ВО РАЗВИВАЊЕ НА RUMBLE - премиерот откри интересни детали

Агенцијата за енергетика стана дел од Министерството за енергетика, рударство и минерални суровини

Агенцијата за енергетика стана дел од Министерството за енергетика, рударство и минерални суровини

ВОЗАЧИ, НОВО ПОЕВТИНУВАЊЕ НА ГОРИВАТА: Еве ги новите цени, ќе важат од полноќ

ВОЗАЧИ, НОВО ПОЕВТИНУВАЊЕ НА ГОРИВАТА: Еве ги новите цени, ќе важат од полноќ